İqtisadiyyat

Amerikalı diplomat: “ABŞ “Nabukko” layihəsində maraqlıdır”

24 Fevral 2010 12:59

Baxış: 149

VTB-də minimal faiz dərəcəsi ilə nağd kredit 9.9%-dən

Bunu Trend Capital-a ABŞ senatoru Riçard Luqarın xüsusi müşaviri Neyl Braun deyib. Onun fikrincə, "Nabukko" qaz kəməri enerji təhlükəsizliyi sahəsində olduqca davamlı layihədir: "Biz enerji sektoruna münasibətdə prioriteti möhkəmləndirməliyik. Lakin əsas məsələ Azərbaycan və Türkiyəni qaz təchizatı ilə bağlı qərarın qəbuluna təşviq etməkdir".

Neyl Braun deyib ki, ABŞ enerji daşıyıcılarının qiymətinin sabitliyində və ucuz qiymətlərdə maraqlıdır: "Biz həmçinin Orta Asiyadakı ölkələri iqtisadi cəhətdən möhkəm görmək istəyirik ki, onlar güclü və müstəqil olsunlar". Senatorun müşavirinin fikrincə, enerji təhlükəsizliyi Qərbi Avropa ölkələri üçün demokratik konsolidasiya və inkişaf baxımından zəruridir: "Etibarlı enerji təminatını da inkişaf etdirmək vacibdir. Bu, Avropa üçün iqtisadi yüksəliş və digər faktorlar baxımından lazımlıdır".

/Trend Capital/