Dünya

ABŞ-ın gizli İran planı ifşa olundu

26 İyul 2026 12:58

Baxış: 183

VTB-də minimal faiz dərəcəsi ilə nağd kredit 9.9%-dən

ABŞ administrasiyası İranın nüvə obyektlərində saxlanıldığı ehtimal edilən zənginləşdirilmiş uran ehtiyatını ələ keçirmək məqsədilə genişmiqyaslı xüsusi hərbi əməliyyat keçirmək imkanını dəyərləndirir.

Milli.Az xəbər verir ki, bu barədə New York Post nəşri məlumat yayıb.

Bildirilib ki, mümkün əməliyyata minlərlə hərbçi, mühəndis bölmələri və xüsusi təyinatlı qüvvələrin cəlb olunması nəzərdə tutulur. Hərbi ekspertlər belə bir missiyanın həyata keçiriləcəyi təqdirdə tarixdə ən mürəkkəb əməliyyatlardan biri ola biləcəyini qeyd edirlər.

Məlumata görə, əməliyyatın əsas məqsədi İranın ciddi mühafizə olunan Fordo və İsfahan nüvə obyektlərində saxlanıldığı iddia edilən zənginləşdirilmiş uran ehtiyatını təhlükəsiz şəkildə çıxarmaqdır. Bunun üçün əraziyə tam nəzarətin təmin edilməsi, mümkün partlayıcı tələlərin zərərsizləşdirilməsi və nüvə materialının təhlükəsiz şəkildə daşınması tələb olunur.

Nəşrin yazdığına əsasən, İran mümkün hərbi müdaxilə ehtimalını nəzərə alaraq bəzi nüvə obyektlərinin ətrafında əlavə müdafiə tədbirləri həyata keçirib. Eyni zamanda, son dövrlərdə "Pickaxe Mountain" adı ilə tanınan yeni yeraltı obyekt də ABŞ-ın diqqət mərkəzindədir.

Müəllif: Malik Məlikov (Milli.Az redaktor)