Hadisə

Antalyada ağır yol qəzası olub, 5 nəfər ölüb

26 İyul 2026 15:47

Baxış: 344

VTB-də minimal faiz dərəcəsi ilə nağd kredit 9.9%-dən

Türkiyənin Antalya vilayətinin Manavqat rayonunda baş verən ağır yol-nəqliyyat hadisəsi nəticəsində 5 nəfər həyatını itirib, daha 2 nəfər isə yaralanıb.

Milli.Az apa-ya istinadən xəbər verir ki, qəza Taşağıl-Dərəbucaq yolu üzərində, Beydiğin məhəlləsində baş verib. İdarəetmədən çıxan minik avtomobili uçuruma yuvarlanıb. Hadisə yerinə sağlamlıq, yanğınsöndürmə, AFAD və jandarma qrupları cəlb edilib.

Xilasedicilər uçuruma enərək avtomobildə olan 5 nəfərin öldüyünü müəyyən ediblər. Yaralanan 2 nəfər təcili tibbi yardım briqadaları tərəfindən xəstəxanaya çatdırılıb.

Antalya valisi Hulusi Şahin bildirib ki, avtomobildə ümumilikdə 7 nəfər olub. Onun sözlərinə görə, yaralılardan biri hamilə qadındır və hadisə yerində aidiyyəti qurumların işi davam edir.

Müəllif: Malik Məlikov (Milli.Az redaktor)