İqtisadiyyat

Trampın qərarından sonra Türkiyədə benzin ucuzlaşdı

10 Aprel 2025 10:02
Baxış: 4 170
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #BENZİN

Uzun müddət sonra ilk dəfə Türkiyədə benzin ucuzlaşıb.

Milli.Az xəbər verir ki ki, benzinin qiyməti 2 lira 24 quruş azalıb, endirim gecə yarısından etibarən qüvvəyə minib.

ABŞ Prezidenti Donald Trampın açıqladığı yeni gömrük rüsumları dünya birjalarında çaxnaşmaya səbəb olub. Tarifələrin 90 gün təxirə salınmasına baxmayaraq, qlobal bazarlarda bir həftə içində ciddi dalğalanmalar yaşanıb. Dollar və qızıl da daxil olmaqla bir çox maliyyə vasitəsində rekord dərəcədə eniş qeydə alınıb. Eyni zamanda neftin qiymətindəki eniş yanacaq məhsullarının da qiymətinə təsir edib.

Ticarət müharibələrinin genişlənəcəyinə dair narahatlıqlar fonunda neft qiymətləri də ciddi şəkildə enib. Brent markalı neftin qiyməti 60 dollar səviyyəsinə qədər geriləyərək son 4 ilin ən aşağı səviyyəsinə düşüb.

Qeyd edək ki, benzin və dizel kimi yanacaq növlərinin qiyməti Türkiyədə hökumət tərəfindən müəyyən edilmir. Hökumət yalnız vergi nisbətlərinə müdaxilə edə bilər. Əsas qiymət isə Cenevrə birjasındakı göstəricilər əsasında, dünya neft qiymətləri və dollar/TL məzənnəsinə əsasən hesablanır.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.