İqtisadiyyat

ABŞ-nin dövlət borcu ilə bağlı xəbərlərin fonunda neft ucuzlaşır

16 May 2023 09:31

Baxış: 8 114

Bazar ertəsi səhər dünyada neft qiymətləri dünyada bu xammala olan tələbat perspektivlərinin qiymətləndirilməsi və ABŞ-də dövlət borcu ilə bağlı vəziyyətin fonunda ucuzlaşır.

Milli.Az Trend-ə istinadən bildirir ki, sövdələşmə məlumatları və analitik şərhləri bunu təsdiqləyir.

Brent markalı neftin iyul fyuçerslərinin qiyməti 0,66% ucuzlaşaraq bir bareli 74,68 dollara, WTI markalı neftin iyun fyuçerslərinin qiyməti isə 0,61% ucuzlaşaraq 69,62 dollara düşüb.

Beləliklə, ardıcıl dördüncü ticarət sessiyası ucuzlaşma ilə başlayır, öncəki üç ticarət günü ərzində Brent markalı neftin qiyməti 4,28%, WTI 5,06% ucuzlaşıb.

"Neft bazarında əhval-ruhiyyə tələbatın qeyri-müəyyən perspektivləri və ABŞ-nin borc tavanı ilə bağlı narahatlıqlarla əlaqədar mənfi olaraq qalır", - "ING Group NV"nin Sinqapurdakı xammal strategiyası şöbəsinin rəhbəri Varren Patterson "Bloomberg" agentliyinə deyib.

Bazarlar xüsusən may 12-si ilə bitən həftə ərzində ABŞ-də neftin kommersiya ehtiyatlarına dair rəsmi məlumatları gözləyir. Məlumatlar ölkənin energetika nazirliyi tərəfindən dərc olunmalıdır. Mayın 5-dək olan həftə ərzində isə neft ehtiyatları 3 milyon barel və ya 0,6% artaraq 462,6 milyon barelə çatıb. Halbuki analitiklər ehtiyatların 0,9 milyon barel azalacağını gözləyirdilər.

"Bazar yəqin ki, Beynəlxalq Enerji Agentliyinin (BEA) aylıq hesabatında tələbata mümkün təkrar baxışları izləyəcək", - deyə ekspert sonda deyib.

Milli.Az