İqtisadiyyat

İqtisadiyyatımız 7 faizdən çox böyüyüb

13 İyun 2022 12:42

Baxış: 745

VTB-də minimal faiz dərəcəsi ilə nağd kredit 10.49%-dən

Bu ilin ilin yanvar-may aylarında ölkədə 50867,5 milyon manatlıq və ya əvvəlki ilin eyni dövrü ilə müqayisədə 7,2 faiz çox ümumi daxili məhsul istehsal olunub.

Bu barədə Dövlət Statistika Komitəsindən məlumat verilib.

Məlumata görə, iqtisadiyyatın neft-qaz sektorunda əlavə dəyər 0,5 faiz, qeyri neft-qaz sektorunda isə 11,0 faiz artıb.

ÜDM istehsalının 54,7 faizi sənaye, 7,6 faizi ticarət; nəqliyyat vasitələrinin təmiri, 6,1 faizi nəqliyyat və anbar təsərrüfatı, 3,8 faizi tikinti, 2,9 faizi kənd təsərrüfatı, meşə təsərrüfatı və balıqçılıq, 1,4 faizi turistlərin yerləşdirilməsi və ictimai iaşə, 1,3 faizi informasiya və rabitə sahələrinin, 14,5 faizi digər sahələrin payına düşmüş, məhsula və idxala xalis vergilər ÜDM-in 7,7 faizini təşkil edib.

Əhalinin hər nəfərinə düşən ÜDM 5063,1 manata bərabər olub.

Milli.Az