İqtisadiyyat

Niyə bəzi marketlərdə məhsulların qiyməti yoxdur? - VİDEO

28 May 2022 18:07
1 Şərh     Baxış: 1 455
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #VİDEO

"Tezliklə təmin olunacaq". Bəzi iri marketlərdə məhsulların qiymətinin yazılacağı yerə bu ifadə qeyd olunub.

Milli.Az Xəzər TV-yə istinadən xəbər verir ki, bu vəziyyətə Bakıdakı bir neçə iri marketdə rast gəldik. Məsələ ilə bağlı marketlərdən bildirildi ki, bu qeyd həmin piştaxtaya qoyulan məhsullara aid deyil. Belə ki, əslində orada başqa məhsul olmalı idi. Lakin hələ marketə gətirilmədiyindən onun yerində tezliklə təmin olunacağı ilə bağlı məlumat yerləşdirilib. Oraya qoyulan digər məhsulların qiymətinin niyə qeyd edilməməsi ilə bağlı suallarımız isə cavabsız qaldı. Piştaxtalarda qiymətlərin olmaması da təbii ki, alıcıları çaş-baş salır. 

Azad İstehlakçılar Birliyinin sədri Eyyub Hüseynovun sözlərinə görə, bu istehlakçı hüquqlarının pozulması deməkdir və belə hallarla bağlı müraciətlər tez-tez olur.

Eyyub Hüseynov bildirir ki, istehlakçılar aldanmamaq üçün mütləq aldıqları məhsulun kassa çekinə diqqət etməlidirlər. Bu cür neqativ hallarla bağlı da aidiyyəti qurumlar tədbir görməlidir.

Antiinhisar və İstehlak Bazarına Nəzarət Dövlət Xidmətinin sektor müdiri Yusif Tapdıqlı da bildirdi ki, satışda olan bütün malların adı, növü, istehsal tarixi və qiyməti mütləq qeyd olunmalıdır. Əks halda həmin sahibkarlıq subyekləri cərimələnə bilərlər. 

Qurum rəsmisi bildirib ki, belə hallarla qarşılaşan alıcıların 195-1 çağrı mərkəzi vasitəsilə Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.