Anspress yazır ki, dünya şöhrətli azərbaycanlı cazmen Vaqif Mustafazadə o şəxslərdən idi ki, sağlığında şoxsaylı tənqidlərə məruz qalsa da ölümündən sonra yaradıcılığı birmənalı olaraq hamı tərəfindən qəbul edilməyə başlamışdı. Bəlkə də bu cümləni bütün dahi insanlar haqqında danışarkən işlətmək yerinə düşər.
Bəli, Vaqif Mustazadənin şöhrəti bir vaxtlar onun yaşadığı İçərişəhərdən və ümumiyyətlə Bakıdan çox-çox kənara çıxıb. Ancaq etiraf etmək lazımdır ki, dahi cazmenin xatirəsi ən çox onun bir vaxtlar yaşadığı evdə hiss edilir. İçərişəhərdə yerləşən, indi Vaqif Mustafazadə döngəsi adlandırılan ünvanda məşhur cazmen bir vaxtlar anası ilə birgə yaşayırdı. Hazırda Vaqif Mustafazadənin ev muzeyi kimi fəaliyyət göstərən məkanı dolaşdıqda onun yazıb-yaratdığı əsərlərin ruhu və eləcə də neçə-neçə yaza bilmədikləri melodiyaların səsi qulağımızda səslənirdi.
Sanki bu evin hər daşına, hər bucağına hopmuşdu Vaqif Mustafazadənin musiqi notları. Dahi cazmenin ev muzeyinin direktoru, Vaqif Mustafazadənin doğma dayısı qızı Afaq Əliyeva ilə ev muzeyini dolaşdığımız zaman bu notların sədası qulağımızdan bir an da olsa, getmədi.
Afaq Əliyeva bildirdi ki, muzey 2004-cü ildə təmir edildikdən sonra Mədəniyyət Nazirliyinin balansında dövlət muzeyi kimi fəaliyyətə başlayıb. Onun sözlərinə görə, bura vaxti ilə kommunal mənzil idi. Bu mənzilin 24 kvadrat metrində Vaqif Mustafazadə anası Zivər xanımla birlikdə yaşayıb. Onunla birlikdə 3 qonşu da bu mənzildə yaşayıb. Ümumilikdə 4 otaq, 100 kvadratmetr olub. Mənzilin hamamla mətbəxi bir olub. Vaqif Mustafazadə evlənəndən sonra həyat yoldaşı Elza xanımla birlikdə bu mənzildə yaşayıb. Vaqif Mustafazadənin yadigarı olan Əzizə Mustafazadə də burada dünyaya gəlib. Vaqif Mustafazadədən sonra anası Zivər xanım bu mənzildə yaşamağa başlayıb.
"1984-cü ildə Polad Bülbüloğlunun təşəbbüsü ilə qonşular başqa mənzilə köçürülüb, mənzilin yarısı muzey olub, yarısında da Zivər xanım ömrünün sonuna kimi yaşayıb. Zivər xanım bu muzeyə rəhbərlik edib. Bibim Zivər xanım vəsiyyət edərək muzeyi mənə tapşırıb. 1997-ci ildən muzey işlərinə rəhbərliyi mən etməyə başladım. Bura Mədəniyyət Nazirliyinin hesabına Vaqif Mustafazadə adına Dövlət Muzeyi oldu", - deyə Afaq Əliyeva vurğuladı.
Muzey təmir olunan zaman mənzilin içərisindəki əşyalar da bərpa olunub. Mənzili gəzərkən insanda nostalji hisslər yaranırdı. Adamda belə bir hiss yaranırdı ki, sanki bəstəkar bu dəqiqə içəri girərək və öz sevimli royalında hər hansı melodiyanı ifa edəcək.
"Vaqif Mustafazadənin ilk royalını birinci qızı Lalə Mustafazadəyə verdilər, ikinci royalını "Torqovı"da ev alanda oraya apardılar. Üçüncü royalı isə bu mənzildə Elza xanıma qaldı", - deyə Afaq Əliyeva bildirdi.
Diqqətlə fikir verdikdə royalın dillərində hələ Əzizə Mustafazadənin uşaqlıqda yapışdırdığı saqqızın yerləri də bilinir.
Muzeydə bəstkarın fotolarını, sevimli qızlarının portretlərini, büstü, taxtı, kreslo, stol və stulları görmək mümkündür.
Qeyd edək ki, Vaqif Əziz oğlu Mustafazadə 1940-ci il Bakıda, İçərişəhərdə anadan olub. V.Mustafazadə Azərbaycan Respublikasının əməkdar artisti, caz muğamının banisi, bəstəkar və pianoçu, vəfatından sonra isə Dövlət mükafatı laureatı adını qazanıb. Atası Mustafazadə Əziz Əbdülkərim oğlı 1912-ci ildə Şəkidə anadan olmuşdur. O, hərbi həkim idi. Anası Zivər xanim Əliyeva 1-ci qadın pianoçularından, Ü.Hacıbəyovun tələbələrindən biri olub. V.Mustafazadə ilk musiqi təhsilini 1 nömrəli musiqi məktəbində Zivər xanımın dərs dediyi məktəbdə alıb. Vaqif 1957-ci ildə Asəf Zeynallı adına musiqi məktəbinə daxil olub, 1958-ci ildə əmək fəaliyyətinə başlayıb.
1979-cu ildə dekabrın 16-da Daşkənddə qastrol konsert zamanı ifa etdiyi zaman onu 2-ci dəfə infarkt vurur, konserti başa vura bilməyən cazmen xəstəxanada vəfat edir. V.Mustafazadənin qızları Lalə və Əzizə atalarının yolunu davam etdirirlər.
Milli.Az
Mədəniyyət
VTB-də yüksək depozit faizleri daha çox qazandırır
Məşhur azərbaycanlı cazmenin ev muzeyindən reportaj - FOTOSESSİYA
12 Fevral 2012 13:10
Baxış: 6 902

DİGƏR XƏBƏRLƏR
-
Əməkdar artist istefa səbəbini AÇIQLADI - Yenilənib
-
Parisdə İçərişəhərin Ümumdünya İrs Siyahısına daxil edilməsinin 25 illiyinə həsr olunmuş tədbir keçirilib - VİDEO - FOTO
-
Daha 2 abidəmiz UNESCO-nun Dünya İrsinin İlkin Siyahısına daxil edildi
-
Mirzə Qurbanov vəfat etdi
-
Gülyanaq Məmmədovaya Fəxri ad verildi
-
Azərbaycanlı professor vəfat etdi - FOTO
XƏBƏR LENTİ
-
Premyer liqa klubu "Traktor"la oynayacaq
-
Gümüşün qiyməti 14 il sonra rekord vurdu
-
Məşhur aktyorun lüks villası yandı - FOTO
-
Dönərçi bıçaqlandı
-
PKK silahları niyə basdırılmaq əvəzinə yandırıldı?- Simvolik mənası var imiş... - FOTO
-
SOCAR ilə Suriya Ərəb Respublikası Hökuməti arasında Anlaşma Memorandumu imzalandı
-
"Beşiktaş" transferə "doymur": daha bir oyunçu ALDILAR
-
İlham Əliyevin Əhməd Əl Şaraa ilə görüşü olub - FOTO
-
Netanyahu Trampa xəbərdarlıq etdi: İsrail hazırdır
-
Azərbaycanda keçmiş nazir vəfat etdi – FOTO
-
Həftə sonunda bəxti gətirəcək BÜRCLƏR: pulları qoymağa yer axtarın
-
Bakıda tiktoker qaydaları heçə saydı - VİDEO
-
Xərçəngə qalib gəldi
-
Vüsalə ad gününə göndərilən BAHALI hədiyyələri göstərdi - FOTO
-
Heyvanı vuran Çin maşını bu hala düşdü - "Zapçast"ı tapılmır - FOTO
-
Əhməd Əl Şaraa Azərbaycana işgüzar səfərə gəldi - FOTO
-
"Qarabağ" yeni transferinə bu qədər xərcləyib - Yenilənib
-
Rusiya xarici siyasi təsir aləti kimi KİV-dən daha fəal istifadə etməyə başlayıb - MŞ
-
Kanalizasiya xəttinə düşüb faciəvi şəkildə ölən Cümşüdün məzarından VİDEO
-
FHN əhaliyə xəbərdarlıq etdi
-
Azərbaycanlı aktyor "tanınmaz halda" - Depressiyaya düşüb... - FOTO
-
Bazar günü əsl dəniz havası olacaq
-
Rusiya Çernovtsı vurdu - Ölənlər və yaralananlar var
-
"Atletiko"nun keçmiş oyunçusu "Turan Tovuz"da! - FOTO