Mədəniyyət

Sumqayıt Dövlət Dram Teatrının 52-ci teatr mövsümünün virtual açılışı olub

14 Sentyabr 2020 19:50
Baxış: 901

C.Cabbarlı "Solğun çiçəklər", C. Məmmədquluzadə "Danabaç kəndinin əhvalatları" və Ə.Əmirli "Sevgilim Sumqayıt" əsərlərinin premyeraları ilə yadda qalan 51-ci mövsümün son 4 ayı məlum səbəbdən bütün teatrlarda olduğu kimi Sumqayıt Dövlət Dram Teatrında da bir neçə tamaşanın premyerası və məşqlərin aparılması mümkün olmamışdı. Koronavirus pandemiyası üzündən fəaliyyətini onlayn davam etdirən Sumqayıt Dövlət Dram Teatrı virtual repertuar tərtib edərək müxtəlif janrlı səhnə əsərləri ilə teatrsevərlərin zövqünü oxşaya bilmişdi.

Sənət ocağı COVİD-19 infeksiyası səbəbilə, 52-ci teatr mövsümünün açılışını da onlayn formada böyük dramaturq M.F. Azundzadənin "Müsyo Jordan və Dərviş Məstəli şah" tamaşası ilə reallaşdıracaq.  Mövsüm açılışı 18 sentyabr saat 18:00-da baş tutacaq. Habelə sentyabr ayı üçün virtual repertuar planı təsdiq olunmuşdur. Belə ki tamaşaçılarımız sentyabr ayında Əli Əmirli "Sevgilim Sumqayıt", "20 ildən sonra", Cəfər Cabbarlı "Solğun çiçəklər", Con Qolsuorsi "Birincilər və Sonuncular" axşam və Abdulla Şaiq "Qaraca qız", Azərbaycan xalq nağılı "Məlikməmməd", Ərəb xalq nağılı "Əlibaba və qırx quldur" gündüz tamaşalarımızı onlayn izləyə biləcəklər.

Qeyd edək ki, məlum vəziyyətlə bağlı ötən mövsümdən yarımçıq qalmış tamaşaların - Xalq artisti Firudin Məhərrəmovun quruluş verdiyi Ə.Haqverdiyev "Xortdanın cəhənnəm məktubları", Əməkdar artist Namis Şirməmmədovun yozumunda Ü.Hacıbəyli "O olmasın, bu olsun", Fuad Kazımovun quruluşunda  Ə.Haqverdiyev "Kimdir müqəssir", gənc rejissor Ümid Abbasın hazırladığı "Pələng"(Ülviyyə Heydərova) əsərlərinin  onlayn məşqləri davam etdiriləcək.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.