Mədəniyyət

Tariel Qasımovun 80 illik yubileyi keçiriləcək

15 Mart 2019 14:42
Baxış: 1 352
VTB-də minimal faiz dərəcəsi ilə nağd kredit 9.9%-dən
#MƏDƏNİYYƏT

Martın 30-da Azərbaycan Dövlət Gənc Tamaşaçılar Teatrında Xalq artisti Tariel Qasımovun 80 illik yubiley gecəsi keçiriləcək. Yubiley tədbirində aktyorun keçdiyi ömür və sənət yoluna nəzər salınacaq.

Yaradıcılıq fəaliyyətinin böyük bir hissəsi Gənc Tamaşaçılar Teatrına aid olan sənətkarın bu teatr səhnəsində canlandırdığı unudulmaz qəhrəmanlardan söz açılacaq.

Qeyd edək ki, 1939-cu ildə Ağstafa rayonunun Köçəsgər kəndində doğulan Tariel Qasımov 1964-cü ildə Azərbaycan Dövlət Teatr institutunun "Dram və kino aktyorluğu" fakültəsini bitirib. Əvvəllər Akademik Milli Dram teatrında aktyor işləyib. 1964-cü ildən (müəyyən fasilə ilə) Gənc Tamaşaçılar Teatrında çalışıb. Bir neçə tamaşanın quruluşçu rejissorudur. 1979-cu ildə Azərbaycan Respublikasının Əməkdar Artisti, 1991-ci ildə Xalq Artisti fəxri adları ilə təltif olunub.  

10 dekabr 2018-ci il tarixində Gənc Tamaşaçılar Teatrının 90 illik yubileyi münasibətiylə Azərbaycan Respublikasının 3-cü dərəcəli "Əmək ordeni" ilə təltif olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.