Mədəniyyət

Gecə oxusu: "Kimsə ölmüş at rəsmi çəkib"

27 İyun 2011 00:30

Baxış: 162

VTB-də minimal faiz dərəcəsi ilə nağd kredit 10.49%-dən

Kabus

Hər şey - sən, payız ritmləri,
şairliyim, günəşin şövqü
birdən qeyb olacaq,
birdən...

kimsə ölmüş at rəsmi çəkib
asacaq bir ağacın budağından.
və deyəcək: "yuxular qara rəngdədir..."

məsələn, bir axşam çağı
yuxumda öpdüyüm
o qız alacaq əlimi əlinin içinə.
göz yaşımı silib deyəcək:
"Mən heç vaxt səni sevməmişəm"

qara qarğalar uçub gələcək
bir xaraba məmləkətdən...
bom-boş otaqda ortada
sərilən meyidimə ağlayacaq-
anamın əvəzinə.

Uzaqlığından üşüyürəm...

Təpədən dırnağa qırmızı,
qıpqırmızı qız...
bahar gəlməz yuvama bir də.

hər gecə üzümə bir əl toxunur
qar kimi ağ,
yumşaq əl.

uzaqlığından üşüyürəm...
çarpayımda sənin əksin,
ay işığı, bir də
qərib gecənin qərib sükutu.
uzaqlığından üşüyürəm.

gecədə ağırlıq var...
üstümə şığıyır çarəsizliyimin
əlləri...
boğacaq məni,
mütləq boğacaq...
uzaqlığından üşüyürəm.

***

bütün xatirələrdən silinəcək bəhanə lazımdı
səni unutmağa.

içmək zəiflərin unutmaq bəhanəsidir!

hər səhər zibillikdə yıxılıb qalan
qocanın görkəmindəki yalqızlıq qədər
əzablıdı səni unutmaq.

bu şəhərin qadınlarının üzündə
sənin yazıqlığın var.

Milli.Az

Milli.Az - Xəbər Portalı

Gecə oxusu: "Kimsə ölmüş at rəsmi çəkib"

DİGƏR XƏBƏRLƏR

XƏBƏR LENTİ

TOP VIDEO

SORĞU

Yayda harada dincələcəksiniz?