Mədəniyyət

"Xoxan" sizi gülməkdən öldürəcək

3 Noyabr 2014 16:09

Baxış: 8 204

VTB-də minimal faiz dərəcəsi ilə nağd kredit 9.9%-dən

#AZERBAİJAN

Söhbət reytinqləri qıracaq yeni Azərbaycan filmi "Xoxan"dan gedir. Filmin janrına və kastinqinə baxarkən yaradıcı heyətin filmə nəyə görə bu cür sloqan seçməsi təəccüb doğurmur. Belə ki, baş rolları Fərda Amin və Elməddin Cəfərov bölüşür. Necə ölməyəsən axı gülməkdən?!

Filmin ərsəyə gəlməsində çox maraqlı nüanslar var. Xoxan komediyası dünya standartlarına cavab verən, eyni zamanda bütün ölkə kinoteatrlarında yayımlanacaq ilk özəl Azərbaycan filmidir. Bunlardan əlavə, hamı tərəfindən çox sevilən gülüş ustaları Fərda Amin və Elməddin Cəfərov çox uzun aradan sonra yenidən eyni layihədə bir araya gəliblər. Həmçinin bu, onların karyeralarında imza atdıqları ən iri layihədir.

"Xoxan" "Mozart Media Group" və "CNF production"ın birgə istehsalıdır. Filmdə habelə "PicMus" və "Marshall" prodakşnlarının əməyi var.

"Xoxan" filmində, həmçinin Azərbaycan Respublikasının əməkdar artisti Ələsgər Məmmədoğlu, bir çox TV layihələrdən tanıdığımız Şəhriyar Əbilov, sosial şəbəkələrdən məşhurlaşan Aynur Hüseyn də yer alıb. Filmdə "Xoxan" obrazının öhdəsindən isə gənc aktrisa Nigar İbrahimova gəlib.

23 gün ərzində çox əyləncəli şəkildə çəkilən filmin rejissoru Samir Kərimoğludur. Filmin arxa plan qəhrəmanları isə baş prodüserlər Orxan Mərdan və Zaur Mirzəzadədir.

Filmi istehsal edən prodüserlərin əsas məqsədi milli kinonun inkişafına təkan vermək və regionlarda kinoya olan marağı artırmaqdır.

Xatırladaq ki, Azərbaycan filmi, komediyasındakı səssizliyə son qoyacaq "Xoxan" filminin təqdimatı dekabr ayına planlaşdırılır. Film ölkəmizin bütün kinoteatrlarında yayımlanacaq.

Sonda onu da qeyd edək ki, filmin veb səhifəsi "xoxanfilm.az"a daxil olaraq digər məlumatlarla tanış ola bilərsiniz. Üstəlik, "Xoxan"ın Facebook sosial şəbəkəsindəki səhifəsini bəyənməklə (www.facebook.com/xoxanfilm) filmin çəkiliş anlarından maraqlı fotolarla tanış ola, həmçinin keçiriləcək viktorinalarda iştirak edə biləcəksiniz, hansı ki filmin təqdimatına dəvətnamələr vəd edəcək.

Milli.Az - Xəbər Portalı

"Xoxan" sizi gülməkdən öldürəcək

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?