Mədəniyyət

Məşhur "Voca People" Bakıda ilk dəfə çıxış edəcək - VİDEO

24 Sentyabr 2014 12:51
Baxış: 1 164
VTB-də minimal faiz dərəcəsi ilə nağd kredit 9.9%-dən
#AZERBAİJAN #MƏDƏNİYYƏT #VİDEO #ZIF KRİSTAL INVEST FOND A.D. #V1 CHALLENGE AZERBAİJAN
Məşhur "Voca People" qrupu oktyabrın 10-11-də Bakıda ilk dəfə konsert proqramı ilə çıxış edəcək. Bu barədə Trend-ə Heydər Əliyev Mərkəzindən məlumat verilib.

Qrup oktyabrın 10-də Heydər Əliyev Mərkəzində, oktyabrın 11-də isə Azərbaycan Avtomobil Federasiyasının təşkilatçılığı ilə keçiriləcək "V1 Challenge Azerbaijan" yarışının Bakı Kristal Zalındakı təqdimat şousunda səhnəyə çıxacaq.

"Voca People" Bakı tamaşaçılarına incə yumor, gözəl səslər və maraqlı repertuarı özündə cəmləşdirən proqram təqdim edəcək. Canlı vokal səslənmə ilə yüksək səviyyəli bitboksu özündə birləşdirən akapella-şou izləyicilərin zövqünü oxşayacaq.

Qeyd edək ki, İsrailin "Voca People" qrupu 2009-cu ildə yaradılıb. Mini-teatrın 8 üzvü səhnəyə ağ kostyumda və ağ qrimdə çıxır. Şounun süjet xəttinə görə, Voka planeti sakinlərinin gəmisi tanımadıqları Yerdə məcburi eniş edirlər. Onlar musiqidən enerji toplayan gəmilərini işə salmaq üçün Yer sakinlərinin mahnıları ilə tanış olurlar.

"Voca People" qrupunun repertuarına dünyanın 70-dən artıq məşhur mahnısı daxildir. İfaçılar çıxışları zamanı truba, baraban, gitara, skripka, royal və digər musiqi alətlərinin səslərini imitasiya edirlər.

"Voca People" indiyə qədər ABŞ, İspaniya, İtaliya, Macarıstan, Fransa, Rusiya və digər ölkələrdə çıxış edib.

Milli.Az

"Voca People" qrupunun Bakı konsertinin anons videosu.

Videonu izləmək üçün şəklə klikləyin.
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.