Mədəniyyət

“Gənclərə dəstək” layihəsi çərçivəsində “Yürekten Ürəyə” adlı konserti baş tutdu - FOTO

6 İyun 2025 17:21

Baxış: 818

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalının səhnəsində "Gənclərə dəstək" layihəsi çərçivəsində keçirilən "Hoş Atölye" sənət mərkəzinin "Yürekten Ürəyə" adlı konserti baş tutdu.

Öncəliklə pianoçu, Marmara Universitetinin "Güzel sanatlar fakültesi" üzrə müəllimi Aytac Rzaquliyeva dinləyiciləri konsertlə bağlı məlumatlandırdı. Daha sonra isə hər əsərin obraz məzmunu və tarixi haqqında maraqlı faktları musiqisevərlərlə bölüşdü. Musiqili gecədə Begüm Aydın (piano), Utku Karataş (piano), Feraye Kumru (klarnet), Aytac Rzaquliyeva (piano), Güneş Tığlı (fleyta və soprano), Can Çerigenç (violonçel), Egemen Özgüven (piano), Kerem Uzunkaya (piano), Mert Kopuz (bağlama), Can Ünal (zərb alətləri) dinləyicilər qarşısında çıxış etdi.Tədbirin sonuncu nömrəsində dirijor Kerem Can Onuş`un rəhbərliyi ilə ansamblın ifasında Azərbaycan xalq mahnıları (işləməsi Kerem Can Onuş) səsləndi. Bu zalda əyləşən bütün dinləyicilərə xoş anlar bəxş etdi və musiqisevərlərin coşqulu alqışları ilə yekunlaşdı.

Sonda musiqişünas, sənətşünaslıq üzrə fəlsəfə doktoru Aynur İsgəndərova Azərbaycan və Türkiyə arasında olan dostluq, qardaşlıq münasibətlərinin uğurla inkişaf etməsi və bütün sahələri əhatə etməsini bir daha vurğuladı.Bu əməkdaşlığın ən gözəl nəticəsi olaraq baş tutan "Yürekten ürəyə" adlı parlaq konsertə görə Aytac xanıma təşəkkürlərini bildirdi və işıqlandırdığı gənc istedadlara gələcək fəaliyyətlərində uğurlar arzu edərək, onları M.Maqomayev adına Azərbaycan Dövlət Akademik Filarmoniyasının rəhbərliyi tərəfindən təqdim edilən diplomlarla təltif etdi.

Proqramda Azərbaycan, rus və Avropa bəstəkarlarının əsərləri səslənib.

İnformasiya dəstəyi - Trend.Az, Day.Az, Milli.Az