“Azərbaycanım” Beynəlxalq VIII Uşaq və Gənc Rəsm Festivalı baş tutdu - FOTO

28 may - Azərbaycan Respublikasının Müstəqillik gününə həsr olunmuş "AZƏRBAYCANIM" Beynəlxalq VIII Uşaq və Gənc Rəsm Festival Xətai Rayon İcra Hakimiyyətinin qarşısında baş tutub!

Xətai Rayon İcra hakimiyyətinin başçısı Rafiq Quliyev tədbiri açaraq festival iştirakçlarını və qonaqları salamlayıb. Söz alan Millət vəkilləri Vüqar Rəhimov və Pərvanə Vəliyeva, Azərbaycan Rəssamlar İttifaqının sədr müavini, Xalq Rəssamı, professor  Ağaəli İbrahimov, Xalq Rəssamı, professor Arif Hüseynov, Xətai Sənət Mərkəzinin direktoru Zahid Əvəzov və bir sıra ictimaiyyət nümayəndələri öz ürək sözlərini bölüşüblər. Tədbir canlı ifaların sədaları altında gənc rəssamların performansları ilə davam edib.

Şüarı-Azərbaycan səni sevirəm! Mövzusu-Mənim gözlərimlə Azərbaycan!  olan festival Azərbaycan Dövlət Rəssamlıq Akademiyası, Azərbaycan Radio və Televiziya Verilişləri Qapalı Səhmidar Cəmiyyəti, Xətai Rayon İcra Hakimiyyətinin dəstəyi, Azərbaycan Rəssamlar İttifaqı, Beynəlxalq Suluboya Cəmiyyəti Azərbaycan Nümayəndəliyi, Naxçıvan Rəssamlar Birliyi, Xətai Uşaq Sənəti Qalereyası və Xətai Sənət Mərkəzinin təşkilatçılığı ilə elan olunmuşdur.

Məqsədi Azərbaycan vətəndaşları və əcnəbilərin Azərbaycanı daha yaxından tanınmasına və sevməsinə xidmətdən ibarətdir!

Nəzərinizə çatdıraq ki, festival cərçivəsində elan olunmuş müsabiqəyə ölkəmizin vətəndaşları ilə yanaşı, ABŞ, Belarus, İran, Türkiyə, Qazağıstan, Rusiya, Çin,Peru, Hindistan və Miyanmar ölkələrindən olmaqla 8-21 yaş arası yeniyetmə və gənc 2000-ə yaxın əsər təqdim etmiş, ümumilikdə, 900-ə yaxın əsər sərgilənmiş və sərgilənən əsərlər arasından seçilmiş hər yaş qrupu üzrə 10 əsərin müəllifi festivala dəvət olunmuşdur.

Əcnəbilər tərəfindən göndərilən əsərlər tərəfimizdən çap olunaraq sərgiləndi, müəlliflərə sertifikatlar göndərildi ,həmçinin, ən yaxşı 5 əsərin müəllifinə hədiyyə göndəriləcək.

Musiqi səhnələri, gənc rəssamların performansı, rəssam-pedaqoq Akif Yarışovun ustad dərsi ilə  davam edən festival yaş qrupu üzrə hədiyyə və setrtifikatın təqdimatı ilə öz işini başa vurdu.

Festivalda ərsəyə gəlmiş əsərlərin satış sərgisi təşkil olunacaq.

Tədbir Xətai rayonu sakinləri, həmçinin, şəhərimizin qonaqlarına xoş xatirələr yaratdı..
Festivalın ölkəmizin mədəni həyatına xidmət etiyinə ümid edirik!

İnformasiya dəstəyi -  Trend.Az, Day.Az, Milli.Az, Azernews.Az