PUL
.jpg)
.jpg)
Klassik pankek dadından fərqli olaraq, tərkibindəki portağal şirəsi və qabığının rəndəsi bu şirniyyata həm təbii bir şirinlik, həm də iştahaçan qoxu verir. Portağalın turşməzə dadı xəmirin yumşaqlığı ilə birləşərək bənzərsiz bir lezzet yaradır.
Milli.Az mükəmməl nəticə üçün lazım olan inqrediyentləri təqdim edir:
Yumurta: 2 ədəd
Şəkər tozu: 3 xörək qaşığı
Süt: 1 su bardağı
1 ədəd portağalın təzə sıxılmış suyu
1 ədəd portağalın rəndələnmiş qabığı (ancaq narıncı hissəsi)
Un: 1 su bardağı (tədricən əlavə edilməlidir)
Qabartma tozu və Vanil: 1 paket hər birindən
Hazırlanma qaydası
İlk olaraq yumurta və şəkər tozunu mikserlə rəngi ağarana qədər yaxşıca çırpın.
Portağal şirəsini, südü və portağal qabığı rəndəsini əlavə edib qarışdırmağa davam edin.
Unu, qabartma tozunu və vanili ələyərək qarışığa əlavə edin. Topaq qalmayacaq şəkildə homojen bir xəmir əldə edin.
Yapışmayan tavanı yüngülcə yağlayın. Kiçik bir çömçə ilə xəmiri tavaya tökün. Üzərində balaca qabarcıqlar (göz-göz) yarananda digər üzünə çevirin.
Mükəmməl pankek üçün 3 sirr:
Portağal qabığını rəndələyərkən ağ hissəsinə toxunmayın, çünki o hissə pankekə acılıq verə bilər.
Hazırladığınız xəmiri bişirməzdən əvvəl 5-10 dəqiqə gözlətsəniz, qabartma tozu daha yaxşı təsir edər və pankekləriniz daha süngərvari olar.
Pankeklər çox tez yanır, ona görə də mütləq orta-az odda bişirilməlidir.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
