Mədəniyyət

Gəncə Dövlət Filarmoniyasinda "Musiqinin gücü" layihəsi milli musiqi gününə həsr olundu - FOTO

19 Sentyabr 2024 15:40

Baxış: 1 121

VTB-də minimal faiz dərəcəsi ilə nağd kredit 10.49%-dən

Fikrət Əmirov adına Gəncə Dövlət Filarmoniyasında 18 sentyabr - Milli Musiqi Günü münasibətilə "Musiqinin gücü" layihəsi çərçivəsində konsert proqramı baş tutub.

Gəncə Dövlət Filarmoniyasının Xalq Çalğı Alətləri Orkestri və Kamera Orkestrinin müşayiəti ilə baş tutan konsertdə Üzeyir Hacıbəylinin "Koroğlu" operasından "Uvertüra", "Cəngi", "Arazbari", "Leyli və Məcnun" operasından Müqəddimə səsləndirilib. Həmçinin Əməkdar artist Kəmalə Tağızadə, Əməkdar mədəniyyət işçisi Mehparə Cəfərova, solistlər Rüstəm Cəfərov, Elmir Pişnamazzadə, bəstəkarın "Sənsiz", "Sevgili canan" romanslarını, Müslüm Maqomayevin "Nərgiz" operasından "Nərgizin mahnısı"nı, Fikrət Əmirovun "Azərbaycan elləri", Niyazinin "Vətən nəğməsi", Süleyman Ələsgərovun "Neylərəm" əsərlərini ifa ediblər.

Filarmoniyanın qarşısında baş tutan konsert tamaşaçılar tərəfindən böyük rəğbətlə qarşılanıb.