Mədəniyyət

Bethovenin 9-cu simfoniyası uzun fasilədən sonra yenidən səsləndi - FOTO

27 May 2024 22:20
Baxış: 638
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Dövlət Akademik Opera və Balet Teatrının Simfonik Orkestri və Xoru
M.Maqomayev adına Azərbaycan Dövlət Akademik Filarmoniyasında böyük uğura imza atdı.
Orkestrin baş dirijoru, Azərbaycan Respublikasının Əməkdar artisti Əyyub Quliyevin dirijorluğu
ilə dahi alman bəstəkarı Lüdviq van Bethovenin 9-cu simfoniyası uzun fasilədən sonra yenidən
2024-cü il bu ölməz əsərin bütün dünyada ən nüfuzlu orkestrlərin ifasında səsləndiyi bir il kimi
yadda qalacaq. Çünki əsər ilk dəfə 200 il əvvəl (1824) məhz may ayında bəstəkarın özünün
dirijorluğu ilə Vyanada ifa olunub. Bu səbəbdən 2024-cü il 9-cu simfoniyanın premyerasının
yubiley ili kimi bütün musiqi ictimaiyyəti üçün əlamətdardır.

Bu əsər L.Beethovenin həyatının elə illərində yazılıb ki, (1822-1824) bəstəkar təbiətdə və
kainatdakı bütün səslərdən məhrum olmuşdu və sadəcə öz daxili dünyasındakı musiqini
eşidirdi. Bütün həyatını, sağlamlığını həsr etdiyi ümumbəşəri musiqini...

Bu klassik dörd hissəli simfoniya, eyni zamanda bəstəkarın son simfoniyası bir xüsusiyyəti ilə
musiqi tarixində yeni bir yol açır. Dahi Beethoven ilk dəfə simfoniyaya insan səsi, yəni xor əlavə
edir. Hələ gənclik illərindən yaradıcılığına, xüsusilə də poeziyasına heyran olduğu F.Şillerin
"Sevincə doğru" şeirini öz kosmik musiqisi ilə simfoniyanın sonuncu hissəsinə "hörür"...
"İki dahi insanın yaradıcılığından bir parça olan bu əsərə Opera və Balet Teatrının kollektivinin
müraciət etməsi və geniş ictimaiyyət qarşısında səsləndirməsi böyük cəsarətdir deyilmi?!
Konsert öncəsi ifaçıların, solistlərin, xorun həyəcanı, böyük məsuliyyət və ciddiyyətlə öz
partiyalarına diqqət yetirmələri də göstərirdi ki, onlar bu günün konsertdən daha çox bir hadisə
olduğunun fərqindədir. Onlar bilirdi ki, bir neçə dəqiqə sonra maestro əlini havaya qaldıracaq və
bütün kainat bir saatlıq susacaq, bəşəriyyətin möhtəşəm himninə təslim olacaq", - müsiqişunaş
Şəfəqət Məmmədova.

Alqışlar, dinləyicilərin emosional səs-küyü fasiləsiz, coşğun idi. Axı Beethoven, Şiller və bu son
dərəcə keyfiyyətli, məharətli ifa onları sevgiyə, sevincə, qardaşlığa, dostluğa və birliyə
Bu konsert həm də Respublika Gününə həsr olunması ilə əlamətdar, xüsusi bir məna
qazanmışdı. Bu tarixi gün münasibətilə bu tarixi əsərin səslənməsi Azərbaycan Dövlət
Akademik Opera və Balet Teatrının rəhbərliyinin və kollektivinin möhtərəm addımı kimi
qiymətləndirilməlidir.

Şübhəsiz ki, bütün cəsarətli addımların arxasında peşəkar komanda işi dayanır. Bu uğurlu və
unudulmaz ifa üçün oradakı dinləyicilər, ümumiyyətlə, musiqi ictimaiyyəti Azərbaycan Dövlət
Akademik Opera və Balet Teatrının Simfonik Orkestri və Xoruna, xormeyster, Azərbaycan
Respublikasının Əməkdar İncəsənət xadimi Sevil Hacıyevaya, solistlərə- Faitmə Cəfərzadə
(soprano), Elmina Həsənova (mezzo-soprano), Əliəhməd İbrahimov (tenor), Anton Ferştand
(bariton) və dirijor kürsüsündə bir saata yaxın bu təkrarsız ifanın memarı olan Əməkdar artist
Əyyub Quliyevə minnətdarlıq borcludur.

İnformasiya dəstəyi - Trend.Az, Day.Az, Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.