Dünya

Bu ölkədə 13 saatlıq iş günü qanuniləşdi

17 Oktyabr 2025 15:55
Baxış: 1 903
VTB-də minimal faiz dərəcəsi ilə nağd kredit 9.9%-dən
#DÜNYADA #YUNANISTAN

Yunanıstan parlamenti geniş ictimai etirazlara və ümummilli tətillərə baxmayaraq, bəzi hallarda 13 saatlıq iş gününə icazə verən yeni əmək qanun layihəsini təsdiqləyib.

Milli.Az xəbər verir ki, hökumət bu qərarın məqsədinin ölkənin əmək qanunlarını "müasir iş bazarına uyğunlaşdırmaq" olduğunu bildirir. Lakin müxalifət partiyaları və həmkarlar ittifaqları bu addımı "işçilərin hüquqlarına zərbə" və "əmək vəhşiliyi" kimi qiymətləndirir.

Yeni qanuna əsasən, standart 40 saatlıq iş həftəsi qüvvədə qalır, lakin işçilərə ildə 37 günə qədər daha uzun iş saatları təklif edilə bilər. Hökumət vurğulayıb ki, bu sistem tam könüllü olacaq və yalnız özəl sektora şamil ediləcək.

Əmək naziri Niki Kerameus bildirib ki, qanun islahatları işçilərə eyni işəgötürənlə 40% daha yüksək maaşla əlavə iş saatları götürmək imkanı verəcək, həmçinin əlavə işdən imtina etdikləri üçün işdən çıxarılmaq qorxusu olmayacaq.

Hazırda Yunanıstanda minimum aylıq əməkhaqqı 968 avro təşkil edir. Ölkə hələ də 2018-ci ildə sona çatan borc böhranının təsirlərini aradan qaldırmağa çalışır və işsizlik səviyyəsi 8,1% olaraq Avropa İttifaqı ortalamasından yüksəkdir.

Fidan
Milil.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.