Mədəniyyət

Həmid Vəkilovun 75 illik yubileyinə həsr olunan tədbir keçirilib - FOTO

18 May 2024 15:53
Baxış: 854
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Beynəlxalq Muğam Mərkəzində tarzən, Əməkdar artist, Azərbaycan Milli Konservatoriyasının professoru Həmid Vəkilovun 75 illik yubileyinə həsr olunan tədbir keçirilib. 

Gecədə çıxış edən Beynəlxalq Muğam Mərkəzinin direktoru, Əməkdar artist Sahib Paşazadə, Xalq artistləri Vamiq Məmmədəliyev, Ağaverdi Paşayev sənətkarın həyat və yaradıcılığından, musiqi mədəniyyətimizin inkişafındakı xidmətlərindən söz açıblar. Bildirilib ki,  tar ifaçılığında ənənə və novatorluqdan bəhs edilərkən Həmid Vəkilovun adı xüsusi hörmətlə yad edilir. Bu gün bir çox tarzənlər onun ifaçılıq xüsusiyyətlərindən bəhrələnir, sənətdə  qoyduğu yolu davam etdirirlər. Əməkdar mədəniyyət işçisi, sənətşünaslıq üzrə fəlsəfə doktoru Səadət Təhmirazqızı novator tarzənin həyatından bəhs edən filmin müəllifi kimi onu  bir musiqişünas, pedaqoq, ifaçı, bəstəkar kimi fəaliyyətindən danışdı. Bildirdi ki, müasir dövrümüzdə tar aləti ifaçılıq sənətimizdə böyük əhəmiyyət kəsb edir. Bu baxımdan Həmid Vəkilov sənətkarlığı, ifaçılıq mədəniyyəti də gələcək nəsillərə ötürülərək əbədi yaşayacaq. 

Tədbirin bədii hissəsində görkəmli tarzənlər  Həmid Vəkilovun müəllifi olduğu əsərləri səsləndiriblər. 

Gecədə həmçinin Beynəlxalq Muğam Mərkəzi tərəfindən Həmid Vəkilovun "Tar və simfonik orkestr üçün Konsert №2 "( tar və fortepiano üçün klavir) əsərinin çap edilmiş not variantı da təqdim edilib və gecənin sonunda Həmid Vəkilovun tarzən, Əməkdar artist Sahib Paşazadəyə həsr etdiyi adıçəkilən əsərin 2 və 3-cü hissələrinin ilk ifa videolenti nümayiş olunub.

İnformasiya dəstəyi - Trend.Az, Day.Az, Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.