Mədəniyyət

"Sən gəlməz oldun" 15 yaşlı azərbaycanlının "dostluq layihəsi"ndə təqdim edildi - VİDEO - FOTO

2 Mart 2024 21:42
Baxış: 3 257
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

15 yaşlı Məhəmməd Allahverdiyev əcnəbi musiqiçilər - makedoniyalı ney ifaçısı Aleks Petkovski və argentinalı violonçel ifaçısı Tomas Fizsmanla birgə "Sən gəlməz oldun"u ifa ediblər.

Milli.Az xəbər verir ki, gənc istedadlar görkəmli bəstəkar Ələkbər Tağıyevin "Sən gəlməz oldun" əsərini audio və video təsvirdə ərsəyə gətiriblər.

Əsərin aranjimanı və piano ifası Məhəmmədə aiddir. Mahnı əcnəbi musiqiçilər tərəfindən sosial şəbəkə hesablarında paylaşılıb və böyük rəğbət görüb.

Qeyd edək ki, Məhəmməd Azərbaycan Milli Konservatoriyası tərkibində incəsənət gimnaziyasının 10-cu sinif şagirdidir. O, piano və bəstəkarlıq üzrə təhsil alır. Əlavə olaraq vokal, caz və muğamla məşğul olan Məhəmməd həm də fortepianoda muğamlarımızı ifa edən ilk yeniyetmədir.

Onun muğamlarımızdan ibarət albomu işıq üzü görüb. Məhəmməd həm də peşəkar caz kateqoriyası üzrə müxtəlif illərdə 1-ci yerə layiq görülüb. Dünyada inkişaf etmiş bütün ölklələrlə "FRİENDSHİP PROJECT" həyata keçirəcəyini hədəf qoyan Məhəmməd artıq Danimarka, İspaniya, Türkiyə, Pakistan, İran, İsrail, Peru, Braziliya, Danimarka, Makedoniya ilə musiqi layihəsi ərsəyə gətirib.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.