Mədəniyyət

Rəşid Behbudovun 108 illiyinə həsr olunmuş konsert proqramı təqdim olundu – VİDEO - FOTO

20 Fevral 2024 17:59

Baxış: 1 031

VTB-də minimal faiz dərəcəsi ilə nağd kredit 9.9%-dən

#VİDEO #KONSERT

Bakı Musiqi Akademiyası nəzdində Opera Studiyasında Fikrət Əmirov adına Gəncə Dövlət Filarmoniyasının Estrada Ansamblının müşayiəti ilə Filarmoniyanın solistləri SSRİ Xalq artisti, əbədiyaşar Rəşid Behbudovun 108 illiyinə həsr olunmuş konsert proqramı ilə çıxış etdi. Əməkdar mədəniyyət işçisi Mehparə Cəfərova, Əməkdar artist Tural Abdullayev,

Vasif Bayramov, Rüstəm Cəfərov, Əli Məmmədov, həmçinin Bakıdan Xalq artisti Sərxan Sərxan, Abbas Əhməd, Samir Piriyev Rəşid Behbudovun repertuarından "Gəncə", "Zibeydə", "Lalələr", "Gözəlim sənsən", "Sevgilim", "Əziz dost", "Bahar sənsiz", "Azərbaycanım", "Ey Vətən" mahnılarını ifa etdilər.

Gəncə Dövlət Filarmoniyasının direktoru, Əməkdar artist Ramil Qasımov Filarmoniyanın musiqi heyətinə, solistlərinə təşəkkür edərək vurğuladı ki, Gəncə mədəniyyət torpağıdır. Bir sıra əbədiyaşarlar yetişdirən bu torpaq mədəniyyət və musiqisi ilə Azərbaycan mədəniyyətində önəmli yer tutub.

Əməkdar artist bugünkü konsertin təsadüfi olmadığını, Azərbaycan Respublikası Mədəniyyət Nazirliyinin dəstəyi ilə bu cür müştərək konsertlərin müxtəlif konsert zallarında, müxtəlif tarixlərdə keçiriləcəyini vurğuladı.

Konsert proqramı tamaşaçılar tərəfindən böyük rəğbət və gurultulu alqışlarla qarşılandı.

İnformasiya dəstəyi - Trend.Az, Day.Az, Milli.Az