Mədəniyyət

“Qəlbimizin səsi” adlı konsert keçirilib - FOTO

7 Dekabr 2023 13:03
Baxış: 1 590
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dekabrın 4-də Beynəlxalq Muğam Mərkəzində xanəndə Rəvanə Qurbanova və tarzən Rövşən Qurbanovun "Qəlbimizin səsi" adlı konserti baş tutub.

Muğam, xalq və bəstəkar mahnılarından ibarət  konsert proqramında şən-şux nəğmələr, Rövşən Qurbanovun sənət dostları ilə birgə duet ifaları, tələbələrinin çıxışları yaddaqalan anlar bəxş edib.

Konsertdə  tanınmış musiqi xadimləri, ifaçıların müəllimləri iştirak edib. Xalq artistləri Vamiq Məmmədəliyеv, Ramiz Quliyev, Mənsum İbrahimov çıxışlarında  Rövşən Qurbanovun tarzən kimi fəaliyyətini yüksək dəyərləndirərək cütlüyü təbrik ediblər. 2007-ci ildə keçirilən Muğam Televiziya Müsabiqəsinin laureatı eyni zamanda Azərbaycan Dövlət Akademik Opera və Balet Teatrının solisti olan Rəvanə Qurbanovanın sənətdəki uğurlarından söz açan Mənsum İbrahimov ifaçıya sənət yolunda uğurlar arzulayıb.

Konsert proqramı ifaçıların rəngarəng çıxışları ilə yadda qalıb.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.