Mədəniyyət

“Kinokonsert” multimedia şousu keçiriləcək

27 Yanvar 2023 13:07

Baxış: 910

VTB-də minimal faiz dərəcəsi ilə nağd kredit 9.9%-dən

"Art-East Media Group" şirkəti yeniliklərə imza atmağa davam edir. Ətrafında peşəkar sənət adamlarını toplayan "Art-East Media Group" şirkəti "Azərbaycanfilm" kinostudiyası və Azərbaycan Dövlət Film Fondu kimi mötəbər sənət ocaqları ilə əməkdaşlıq edərək, ölkəmizin ictimai və mədəni həyatında fəal iştirak etmək üçün yeni-yeni yaradıcılıq layihələri ərsəyə gətirir, dünyada və ölkədə cərəyan edən sənət prosesinə uyğun ideyalar reallaşdırır və yüksək sənəti dərk etməyə qadir mütərəqqi tamaşaçı zövqünü formalaşdırmaq yolunda töhfələr verir.

Bununla bərabər bu kreativ layihələr tamaşaçını öz keçmişi və gələcəyi ilə körpü salmağa kömək edir. Odur ki, orta və yaşlı nəslin nümayəndələri gənclik illərini və yaşadıqları həyati anları xoş xatirələr kimi yada salıb, zamana sinə gələrək yenidən yaşamaq istəyirsə, o zaman mütləq "Art-East Media Group" şirkətinin brendi olan "Avanqard" Kamera Orkestrinin təqdimatında "Azərbaycanfilm" kinostudiyasının 100, Azərbaycan kinosunun 125 illiyinə həsr olunmuş yüksək bədii zövqlə yeni aranjiman edilmiş milli kinomuzun parlaq nümunələrindən olan musiqi əsərlərini özündə ehtiva edən "Kinokonsert" multimedia şousuna qaçırmamalıdır. Bu multimedia şousu həyatınıza çatışmayan rənglər qatacaq.

Onlayn bilet

https://iticket.az/events/concerts/cinemaconcert-multimedia-show/83524?
fbclid=PAAaZ1TPNeluhHvuYvU5S-
Za2Y30xZA8q_HnlmoT1cUXLDBjFmXMorMzxP1lg&external_browser_redirect=true
İnformasiya dəstəyi - Trend.Az, Day.Az, Milli.Az, Azernews.Az