Mədəniyyət

Kulinariya üzrə ölkə çempionatının qalibləri bəlli olub - FOTO

23 May 2022 13:58
0 Şərh     Baxış: 803
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı Ekspo Mərkəzində "Qızıl Şah" Milli Kulinariya Çempionatı keçirilib. Çempionat çərçivəsində gənclərdən və peşəkarlardan ibarət komandalar, həmçinin fərdi aşpazlar və şirniyyatçılar medallar uğrunda mübarizə aparıblar.

Gənclər komandaları arasında birinci yeri "WorldSkills 2" komandası (Qasımova Kamilla, Vəliyeva Leyla və Yusifov Rəşad) tutub. İkinci və üçüncü yerləri müvafiq olaraq "WorldSkills 1" və "Tornado" komandaları tutub.

Peşəkarlar arasında birinci yeri "Sırovarna" restoranının komandası (Şəfiyev Tapdıq, Temirbulatov Rasim və Şükürova Mariya) tutub. İkinci və üçüncü yerləri müvafiq olaraq "Boulevard Marriott Hotel" və "Hilton Hotel" tutub.

Çempionatın ən yaxşı aşpazı adına Highboll komandasından Ağamalıyev Elvin layiq görülüb. Çempionatın xüsusi mükafatı Şahplov üzərində təsvirin çəkilməsi texnikasına görə Məmmədzadə Turala verilib.

"Balıq yeməyi", "Ət yeməyi", "Quş əti yeməyi", "Restoran deserti", "Müasir Azərbaycan mətbəxi" və "İncəsənət" kateqoriyaları üzrə də medallar oynanılıb. Çempionatın təşkilatçıları Azərbaycan Kulinariya Mütəxəssisləri Assosiasiyası İctimai Birliyidir. Çepmionat CEO Azerbaijan, Gənclər və İdman Nazirliyi və Milli Kulinariya Mərkəzinin dəstəyi ilə keçirilib.

Çempionatın münsifləri müxtəlif beynəlxalq assosiasiyaların rəhbərləri və Dünya Kulinariya Assosiasiyasının sertifikatlı hakimləri olub, o cümlədən:

Mişel Uve - Almaniya\BƏƏ

Stevo Karapanca - Xorvatiya/İsveçrə

Domeniko Maggi - İtaliya

Iztok Legat - Sloveniya

Vuksan Mitroviç - Monteneqro

Qoran Radiozeviç - Serbiya

Nikolay Baratov - Rusiya

Mahaç Vaqabov - Rusiya

Qaliblərin ətraflı siyahısı www.chefs.az saytında tapa bilərsiniz.

İnformasiya dəstəyi - Trend.az, Day.az, Milli.Az, Azernews.az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.