Mədəniyyət

Beynəlxalq Muğam Mərkəzində qarmon ifaçısı Xanlar Cəfərovun xatirə gecəsi keçiriləcək

10 May 2022 14:05
0 Şərh     Baxış: 1 555
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

May ayının 13-də Beynəlxalq Muğam Mərkəzi görkəmli qarmon ifaçısı Xanlar Cəfərovun xatirəsinə həsr edilən gecə təqdim edəcək. Gecədə Xanlar Cəfərovun yaradıcılıq yoluna nəzər salınacaq , sənət dostlarının sənətkarla bağlı xatirələri dinləniləcək. Xan Şuşinski Fondu ilə birgə təşkil ediləcək gecədə tanınmış ifaçılar və Xanlar Cəfərovun tələbələrinin ifaları təqdim olunacaq.  

Gecədə Xalq artisti Aftandil İsrafilov, Xalq artisti Ənvər Sadıqovun "Qaytağı" ansamblı, Əməkdar artist Zakir Mirzəyev, sənətşünaslıq üzrə fəlsəfə doktoru, MK-nın dosenti Aydın Əliyev, BMM-nin solistləri Mirələm Mirələmov, Abgül Mirzəliyev, Kamilə Nəbiyeva və Xanlar Cəfərovun tələbəsi, tanınmış qarmon ifaçısı Orxan Mirnatiqoğlu və tanınmış ifaçılar çıxış edəcəklər.

Xanlar Cəfərov 1973-cü ildən Azərbaycan Dövlət Filarmoniyasında , Dövlət Rəqs Ansamblında qarmon ifaçısı kimi fəaliyyətə başlayıb. 2001-2009-cu illərdə "Azneftyağ" istehsalat birliyinin musiqi ansamblında konsermeystr kimi çalışıb. Unudulmaz ifaçının çoxsaylı konsert proqramlarından olan lent yazıları televiziyanın arxivində saxlanılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.