Məktəb dərsliyindən əxlaqsız saytın linki çıxdı - qalmaqal

Moskva sakini ingilis dilində olan dərslikdən pornosayta girmək üçün qoyulan link aşkar edib.

Milli.Az xəbər verir ki, bu barədə Letidor məlumat verib.

Qadının uşağı Moskva yaxınlığındakı gimnaziyanın altıncı sinifində oxuyur. Dərsliklərindən birində valideynin diqqətini idman klubunun kartı cəlb edib. Üzərinə qoyulan ünvan qadına qəribə gəlir və onu yoxlamaq qərarına gəlib. Bağlantının işlədiyi ortaya çıxır və böyüklər üçün açıq şəkillər və videolar olan bir sayta girir. "Sinif otağında indi kabus yaşanır, valideynlər qəzəblənib. Əlbəttə ki, müasir uşaqlar qabaqcıl və çox şey bilirlər, amma bu cür istinadlar əlbəttə ki, məktəb dərsliklərində olmamalıdır", - deyə valideyn bildirib.

Kamran Seyidov
Milli.Az