Kriminal

Mobil telefonlara müdaxilə edən şirkət rəhbəri həbs edildi

4 İyun 2025 19:43

Baxış: 1 776

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL

Mobil telefonlar və digər texniki avadanlıqlara kənardan müdaxilə edən proqramlar hazırlamaqda, eləcə də kompüter məlumatlarını qanunsuz ələ keçirməkdə ittiham olunan "Zeromap" MMC-nin icraçı direktoru Tural Əliyevin cinayət işi üzrə sonuncu məhkəmə prosesi başa çatıb.

Milli.Az xəbər verir ki, Yasamal Rayon Məhkəməsində hakim Rəşad Cavadzadənin sədrliyi ilə keçirilən prosesdə hökm elan olunub. Məhkəmənin qərarı ilə Tural Əliyev 2 il 6 ay müddətinə azadlıqdan məhrum edilib.

Xatırladaq ki, Tural Əliyev Dövlət Təhlükəsizliyi Xidməti (DTX) tərəfindən keçirilən əməliyyat zamanı saxlanılıb. O, Azərbaycan Respublikası Cinayət Məcəlləsinin 271.2.1-ci (kompüter sisteminə qanunsuz daxilolma), 272.2.1-ci (kompüter məlumatlarını qanunsuz ələ keçirmə) və 273-1.1-ci (kibercinayətlərin törədilməsi üçün vasitələrin dövriyyəsi) maddələri ilə təqsirləndirilib.

İttihama əsasən, Tural Əliyev 4 il ərzində həm yerli, həm də xarici fiziki və hüquqi şəxslərin mobil telefon və kompüter sistemlərinə icazəsiz müdaxilələr həyata keçirib. O, həmçinin kiberhücumlar vasitəsilə xarici şirkətlərin məxfi məlumatlarına da çıxış əldə edib.

Asya
Milli.Az