Kriminal

Bakıda vəzifəli şəxs tutuldu

24 Yanvar 2025 16:10

Baxış: 1 524

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #HƏBSXANA

Bakı Ağır Cinayətlər Məhkəməsində külli miqdarda dələduzluqda təqsirləndirilən "AZ İNTEKST" MMC-nin direktoru Ruhəddin Cabbarov, MMC-nin işçiləri - Sənan Quliyev və Telman Fətəliyevin cinayət işi üzrə məhkəmə prosesi başa çatıb.

Milli.Az tns.az-a istinadən xəbər verir ki, hakim Telman Hüseynovun sədrliyi ilə keçirilən prosesdə təqsirləndirilən şəxslərə hökm oxunub.

Məhkəmənin hökmü ilə Sənan Quliyev 7 il 9 ay 19 gün azadlıqdan məhrum edilib. Hökmə görə, istintaq dövründə polisin nəzarəti altında olan şirkət rəhbəri Ruhəddin Cabbarov 2 il 11 ay, şirkətin işçisi Telman Fətəliyev isə 3 il azadlıqdan məhrum edilib, onlar məhkəmə zalında həbs edilib.

Qeyd edək ki, təqsirləndirilən şəxslər vətəndaşların evlərini təmir etmək adı ilə aldadıb, onların külli miqdarda pullarını ələ keçiriblər. İstintaq orqanı tərəfindən təqsirləndirilən şəxslərin barəsində Cinayət Məcəlləsinin 178.3.2-ci (külli miqdarda ziyan vurmaqla dələduzluq törətmək) maddəsi ilə ititham elan edilib. Cinayət işi üzrə 28 nəfər zərərçəkmiş qismində tanınıb. Zərərçəkmiş şəxslərdən biri - Əli Nuriyev birinci Qarabağ Müharibəsinin qazisi, ehtiyatda olan baş leytenantdır. O, Nərimanov rayonunda, Koroğlu Rəhimov küçəsi 1-də yerləşən mənzilini təmir elətdirmək məqsədi ilə 2021-ci ilin iyunun 11-də özünü "AZ İNTEKST" MMC-nin direktoru kimi təqdim edən Cabbarov Ruhəddin Rasim oğlu ilə müqavilə bağlayıb. Pulu ödəsə də, işi görülməyib.

Milli.Az

Milli.Az - Xəbər Portalı

Bakıda vəzifəli şəxs tutuldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?