Kriminal

Sumqayıtda qız kafedə tanış olduğu oğlanın başına oyun açdı

6 Dekabr 2024 23:52

Baxış: 5 887

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL

Sumqayıtda kafedə qızla tanış olan oğlan qarət olunub.

Milli.Az Lent.az-a istinadla xəbər verir ki, hadisə Corat qəsəbəsində baş verib.

Belə ki, Həsrət Həsənov (ad və soyad şərtidir) şəhər ərazisindəki kafelərin birində yeyib-içəndən sonra orada Aysu adlı (ad şərtidir) qızla tanış olub. Aysu Həsrəti öz evlərinə dəvət edib. Həsrət qızla birgə onun yaşadığı Corat qəsəbəsinə gəlib. Orada siqaret almaq üçün marketə giriblər. Bu zaman Aysunun tanışı Namiq Quliyev (ad və soyad şərtidir) onlarla rastlaşıb. Qız Həsrətdən Namiqə də siqaret almasını istəyib. Bunun üçün Həsrət Aysuya 50 manat pul verib.

Mağazadan çıxanda Namiq Aysu ilə kənarda gizlicə danışıblar. Bunu görən Həsrət Aysudan siqaret üçün verdiyi pulun qalığını istəsə də, Namiq irəli gələrək etiraz edib. O, əli ilə Həsrəti itələyib. Həsrət zərbənin təsirindən aşağı əyilərkən Namiq onun arxa cibindəki 1 150 manat pulu götürərək qaçıb. Beləcə, Həsrət həm siqaret üçün verdiyi pulun qalığından olub, həm də 1 150 manatı soyğunçuluq yolu ilə talanıb.

Onun şikayəti nəticəsində polis əməkdaşları Namiq Quliyevi saxlayıblar. Onun barəsində Cinayət Məcəlləsinin 180.2.4-cü (insanların həyatı və ya sağlamlığı üçün təhlükəli olmayan zor tətbiq etməklə törədildikdə) maddəsilə cinayət işi başlanıb. Sumqayıt Şəhər Məhkəməsi Namiq Quliyev haqqında həbs qətimkan tədbiri seçib.

Məhkəmə istintaqı hazırda davam etdirilir.

Milli.Az