Kriminal

50 yaşlı kişi arvadını əxlaqsızılıqda günahlandırıb, anasını yaraladı

8 İyun 2024 11:21
Baxış: 820
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakının Xəzər rayonunda 1974-cü il təvəllüdlü Teymur ailə münaqişəsi zəminində yaranan mübahisə zamanı anası Tahirəyə (adlar şərti göstərilib - red.) xəsarət yetirib.

Milli.Az bildirir ki, Demokrat.az-ın məlumatına görə, hadisəni törədən Teymurun barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Teymur ona elan olunmuş ittiham üzrə özünü təqsirli bilib.

O qeyd edib ki, zərərçəkmiş Tahirə onun anasıdır və hazırda eyni ünvanda yaşayırlar:

"Hadisə günü, saat 14:15-də yaşadığım evdə olarkən spirtli içki qəbul etdim. Sonra arvadım Şəhla ilə aramızda mübahisə baş verdi. Mübahisəyə səbəb arvadım Şəhlanın işə rəfiqəsinin ərinin avtomobili ilə getməsi olub. Ondan həmin avtomobillə işə getməməsini tələb etmişəm. Lakin Şəhla bu tələbə məhəl qoymadı. Mübahisə zamanı bizi sakitləşdirməyə çalışan anam Tahirə araya girdi. Mən isə əsəbiləşərək anamı vuraraq ona müxtəlif bədən xəsarətləri yetirdim".

Şahid qismində ifadə verən Şəhla qeyd edib ki, Teymur ilə 1995-ci ildə rəsmi ailə həyatı qurub və birgə nigahlarından üç övladı var. Onun sözlərinə görə, dəfələrlə yaşadıqları evdə münaqişələr olub.

Şəhla qeyd edib ki, əri Teymur spirtli içki aludəçisidir və hər dəfə onu əxlaqsızlıqda ittiham edərək əsasız yerə qısqanclıq zəminində münaqişə yaradıb.

Bu cinayət işinə Xəzər Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. O, cinayət məsuliyyətindən azad edilib.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.