Ölkə

"Baktelecom" simsiz telefon rabitəsi xidmətinin fəaliyyətini dayandıracaq

19 Oktyabr 2021 14:22
2 Şərh     Baxış: 899
VTB-də minimal faiz dərəcəsi ilə nağd kredit 10.49%-dən

Noyabrın 15-dən etibarən "Bakı Telefon Rabitəsi" MMC ("Baktelecom") öz xidməti ərazisində CDMA (Code Division Multiple Access) simsiz telefon rabitəsi xidmətinin fəaliyyətini dayandıracaq.

Bu barədə "APA-Economics"ə MMC-dən bildirilib.

Məlumata görə, qərar CDMA texnologiyasının əhəmiyyətli dərəcədə köhnəlməsi, xidmətə tələbatın azalması, müasir və dayanıqlı texnologiyalara keçid strategiyasına uyğun olaraq verilib.

"Hazırda "Baktelecom" tərəfindən əhatə dairəsi genişləndirilən "Evədək optika" layihəsi, sabit telefon və LTE (Long Term Evolution) simsiz rabitə şəbəkələri əhalinin telekommunikasiya xidmətlərinə tələbatını ödəməyə imkan verir. CDMA abunəçiləri aidiyyəti xidmət mərkəzlərinə gələrək və ya baktelecom.az saytı, həmçinin elektron hökumət portalı üzərindən onlayn şəkildə müraciət edərək mövcud alternativ rabitə xidmətləri əldə edə bilərlər", - "Baktelecom"dan bildirilib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.