Ölkə

Şəhidlik vüsalı - VİDEO

12 Oktyabr 2021 15:06
0 Şərh     Baxış: 408

Bu gün şəhid Vüsal Şahmarlının doğum günündə abidəsinin açılışı oldu

Milli.Az Real TV-yə istinadən bildirir ki, bu gün əzəli torpaqlarımızın azadlığı, Azərbaycanın ərazi bütövlüyünün bərpası uğrunda düşünmədən canından keçən qəhrəman şəhid Şahmarlı Vüsal Mərdan oğlunun doğum günüdür. Vüsalın məzunu olduğu 138 saylı orta məktəbin qarşısında xatirə lövhəsi inşa olunub. Onun doğum gününə şəhid ailələri, İcra hakimiyyəti nümayəndələri, müəllimlər, məktəblilər, şəhidin döyüş yoldaşları, Vüsalı tanıyan hər kəs toplaşmışdı. Gözyaşlarının arasında övladının cənnətdə olduğundan xəbərdar olan ana, şəhidinin ucaldığı məqamdan fəxarətlə danışdı.

İgid Vətən oğlu Vüsal 11 oktyabr 1996-cı ildə İmişli rayonunda dünyaya göz açıb. 2014-cü ildə Bakı şəhərində Orta təhsilini başa vurduqdan sonra hərbi xidmətə yollanan qəhrəman, hərbi xidməti zamanı aprel döyülərində şücaət göstərib.

2020-ci il oktyabrın 5-də Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan Şahmarlı Vüsal Mərdan oğlu 2020-ci il oktyabrın 18-də Füzulinin azad olunması istiqamətində döyüşərkən qəhrəmancasına həlak olaraq ali şəhid adını qazanıb.

O, Ali Baş Komandan Prezident İlham Əliyevin sərəncamına əsasən, Füzulinin azad olunmasına görə, Laçının azad olunmasına görə və "Vətən uğrunda" medalları ilə təltif olunub.

Cənnətdəki məqamın mübarək, Şəhidim.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.