Ölkə

Şəhadəti ilə tarix yazan Vətən oğlu - VİDEO

27 Sentyabr 2021 14:40
1 Şərh     Baxış: 1 666
VTB-də minimal faiz dərəcəsi ilə nağd kredit 9.9%-dən
#VİDEO #VƏTƏN

Ağa Ağayev Suqovuşan döyüşlərində qəhrəmancasina vuruşaraq şəhid olub

Zirvə təbiətin coğrafi yüksəkliyi olduğu kimi, şəhidlik də vətənpərvərliyin ən ali məqamıdır.

Milli.Az Real TV-yə istinadən bildirir ki, 44 günlük Vətən müharibəsində parlaq qələbə qazanan rəşadətli ordumuzun sıralarında mərdliklə döyüşərək şəhadət zirvəsinə ucalan qəhrəman igidlərimizdən biri də Qusar rayonunun Yeni Həyat kənd sakini 2001-ci il təvəllüdlü Ağa Ağayevdir. 2019-cu ilin aprel ayında hərbi xidmətə yollanan Ağanın hərb sənətinə böyük marağı olub. O, hətda hərbi xidmətini başa vurduqdan sonra ordu sıralarında qalmağı planlaşdırıb.

Vətən müharibəsi başlayan gündən döyüşlərə qatılan Ağa Ağayev Tərtər və Ağdərə istiqamətində hərbi əməliyyatlarda iştirak edib. Suqovuşanın azad edilməsi uğrunda gedən ağır savaşda isə şəhidlik zirvəsinə yüksəlib.

Ağayevlər ailəsinin yeganə oğul övladı olan Ağanın yoxluğu ilə yaxınları barışa bilməsə də onun vətən uğrunda şəhid olması ilə qürur duyurlar.

Qeyd edək 44 günlük vətən müharibəsində göstərdiyi şücaətinə görə, Ağayev Ağa Əli oğlu ölümündən sonra Vətən Uğrunda medalı ilə təltif edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.