Ölkə

Gorançayın ətrafı zibilxanaya çevrilib - VİDEO

10 İyun 2021 11:48
Baxış: 322

Goranboyda boşluq bir əraziyə avtomobillərlə zibil tökülür. Külək isə həmin zibilləri Gorançaya atır. Həmçinin ətrafı üfunət bürüyüb.

Milli.Az Xəzər TV-yə istinadən xəbər verir ki, söhbət Goranboyun Veyisli kəndindən gedir.

Sakinlər son 10 gündə traktor və zibil daşıyan maşınlarla çayın yaxınlığına zibil boşaldıldığını deyirlər. Çayın o qədər də gur olmayan suyunu həmin zir-zibil çirkaba çevirir.

Gorançaydan Veyisli və Rəhimli başda olmaqla, bir neçə kənd həm suvarmada, həm də içmək üçün istifadə edir. Rayonun bir neçə yaşayış məntəqəsinə isə avtomobillərlə həmin çaydan su daşınır.

Çayın ətrafında yaranan vəziyyətlə bağlı Goranboy rayon Mənzil- Kommunal İstismar İdarəsindən bildirilib ki, əraziyə zibil avtomobilin nasazlığı səbəbindən boşaldılıb.

Mövzu ilə bağlı daha ətraflı videomaterialı təqdim edirik:

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.