Ölkə

Deputat: Monopoliyanın qarşısı alınarsa, məhsullar 40 faiz ucuzlaşar - VİDEO

16 Aprel 2021 12:24
Baxış: 610

Bu gün qiymət monopoliyasının qarşısı alınarsa, əsaslandırılmamış  qiymət artımı tətbiq edilən məhsullar 40 faizədək ucuzlaşacaq.

Milli.Az xəbər verir ki, bunu ARB24-ün "İşgüzar səhər" verilişinə açıqlamasında millət vəkili Əli Məsimli deyib.

"Neft və qaza əsaslanan iqtisadiyyatdan insan amilinə əsaslanan iqtisadiyyata keçmək üçün mütləq sahibkarlıq və rəqabət münasibətləri inkişaf etməlidir.  Həmçinin kiçik və orta biznesin Azərbaycan iqtisadiyyatında payını artırmaq lazımdır. Bu gün bu sahəyə qiymət monopoliyası təsir edir. İki istiqamətdə aparılan qiymət monopoliyası zamanı rəqibləri sıradan çıxarmaq üçün əvvəl qiyməti aşağı salıb, sonra qaldırırlar, ikincisi isə onları bazara buraxmırlar . Qiymət monopoliyasının qarşısı alınarsa, rəqabət mühiti tətbiq olunarsa, əsaslandırılmamış qiymət artımı olmayacaq və nəticədə qiymətlər 40 faizədək aşağı düşəcək. Bu gün əsaslandırılmamış qiymət artımı ümümi artımların 50 faizini təşkil edir", - o bildirib.

Millət vəkili onu da qeyd edib ki, əsaslandırılmamış qiymət artımını artıq dövlət qurumları da tətbiq edir:

"Əsaslandırılmamış qiymət artımını monopolistlər edir. Sonuncu dəfə isə bunu "Azərsu" ASC və Dövlət Neft Fondunun timsalında dövlət qurumları etdi. Bu da dünya praktikasında görünməyən haldır".

Milli.Az 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.