Ölkə

Mayor Mənsur Şükürov: Üç gün yaralı halda döyüşdüm - VİDEO

13 Dekabr 2020 10:12

Baxış: 1 687

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Sanki bir film səhnəsindən bəhs edir. Onun danışdıqlarını dinləyəndə dəhşətə gəlirsən, cəbhədə baş verənlər bir kino lenti kimi gözündə canlanır. O isə zabit soyuqqanlılığı ilə əlini yaralı ayağına qoyub gülümsəyir. Müsahibə əsnasında isə hərbçi yoldaşlarının qəhrəmanlığından danışır...

Hadrut uğrunda gedən döyüşlərdə ağır yaralanır mayor Mənsur Şükürov. Üç gün yaralı halda döyüşür. Əsgərlərini mühasirəyə düşməmək üçün meşə yolu ilə çıxarmağa çalışır. Lakin bu elə də asan olmur. Düşmənin 50 metr məsafədə olduğunu görən Mayor Şükürov artilleriyaçı yoldaşına "Olduğum yeri vur!" əmrini verir.

İndi cəbhədə hərbi xidmətinə davam edən Vaqif Şükürovun və mayor Mənsur Şükürovun hərb sevgisi atalarından gəlib. Ataları Vidadi Şükürov 32 il hərbi xidmətdə olub. 90-cı illərdə 1-ci Qarabağ müharibəsində tabor komandiri kimi iştirak edib. Ehtiyatda olan polkovnik-leytenantdır. Oğluna baxışı qəhrəmanlığın atadan onlara keçdiyini deyir bizə.

Oğul Vətən üçün doğular, Vətən üçün ölər! Bu ailənin nəvələrindən hərbi akademiyada təhsil alan da var, beşiyində Azərbaycan bayrağı ilə uyuyan da. Və torpaq bu cür oğulları olduğu üçün Vətəndir! Yastığınız yüngül olsun, qazilər!

Xezerxeber.az mövzu ilə bağlı daha ətraflı videomaterialı təqdim edir:

Milli.Az