Ölkə

Rusiyalı həkim Aleksandr Averyanov: İri şəhərin yarısı eyni anda xəstələnsə, heç bir səhiyyə sistemi buna tab gətirməz

11 İyul 2020 13:13
Baxış: 1 153

İri şəhərin yarısı eyni anda xəstələnsə, heç bir səhiyyə sistemi buna tab gətirməz.

Milli.Az Trend-ə istinadn xəbər verir ki, bunu rusiyalı həkim-pulmonoloq Aleksandr Averyanov Azərbaycan Dövlət Televiziyasının (AzTV) "Hədəf" verilişində deyib.

O bildirib ki, iri şəhərin əhalisini tam təcrid etmək də mümkün deyil:

"Rusiyada hansı səviyyədə təcrid və ya karantin rejiminin tətbiq olunması barədə qərar lokal vəziyyətdən asılı olaraq qəbul edilir. Məsələn, Mordoviya Respublikasının rəhbərinin dəvəti ilə bölgəyə səfər etmişdim. Orada kifayət qədər sərt məhdudiyyət tədbirləri tətbiq olunmuşdu. Bunun sayəsində sürətlə yayılan pandemiya dalğasının qarşısını almaq mümkün oldu. Bir neçə ölkə istisna olmaqla bütün dünya bu tədbirləri tətbiq edir. Bu da onunla əlaqədardır ki, iri şəhərin əhalisinin yarısı eyni anda xəstələnsə, heç bir səhiyyə sistemi buna tab gətirə bilməyəcək".

A.Averyanov vurğulayıb ki, bütün səylər pandemiyanın yayılmasının sürətini azaltmağa yönəlib:

"Ona görə hesab edirəm ki, ölkələrimizdəki vəziyyət bu baxımdan oxşardır. Tədbirlər görülür və bu tədbirlər zəruridir".

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.