Ölkə

Bəhram Bağırzadə ayıldı

2 İyul 2020 12:24

Baxış: 7 664

VTB-də minimal faiz dərəcəsi ilə nağd kredit 9.9%-dən

#AKTYOR #KORONAVİRUS

Yeni növ koronavirus infeksiyasına (COVID-19) yoluxan və Mərkəzi Gömrük Hospitalında müalicə olunan əməkdar artist Bəhram Bağırzadə ayılıb.

Milli.Az xəbər verir ki, bu barədə Mərkəzi Gömrük Hospitalının rəisinin müalicə işləri üzrə müavini Bəxtiyar Musayev bildirib.

O, B. Bağırzadənin səhhətində qismən bərpa olunma baş verdiyini deyib.

Rəis müavini bununla belə, əməkdar artistin vəziyyətinin hələ də ağır olduğunu qeyd edib.

Qeyd edək ki, Dövlət Gömrük Komitəsi Tibbi Xidmət İdarəsinin "Elmi Təcrübi və Tədris Mərkəzi"nin rəisi Rəşad Mahmudov dünən həkimlərin B. Bağırzadəni EKMO cihazından ayırdıqlarını bildirmişdi.

Xatırladaq ki, daha əvvəl koronavirus xəstəliyindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının Reanimasiya şöbəsinə köçürülmüş əməkdar artist Bəhram Bağırzadənin ağciyər toxumasının 90%-dən çox zədələndiyi məlum olmuşdu. Mərkəzi Gömrük Hospitalının cərrahları və reanimatoloqları tərəfindən təcili olaraq gecə konsilium keçirilmiş və xəstənin EKMO cihazına qoşulmasına qərar verilmişdi. Xəstənin EKMO cihazına qoşulması əməliyyatından sonra onun vəziyyəti nisbətən stabilləşmiş və saturasiya 95 faizə qədər yüksəlmişdi.

Əməkdar artist Bəhram Bağırzadənin müalicəsi birbaşa Azərbaycanın Birinci vitse-prezident Mehriban Əliyevanın nəzarətindədir.

Milli.Az