Ölkə

AQTA müəssisələrə tövsiyələr verdi

23 İyun 2020 11:54

Baxış: 796

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Azərbaycan Qida Təhlükəsizliyi Agentliyi qida məhsullarının ticarəti ilə məşğul olan müəssisələrdə COVİD-19 virusuna yoluxma riskinin azaldılması üçün öz tövsiyələrini verib.

Agentlikdən Milli.Az-a verilən məlumata görə, açıq şəkildə satılan və qablaşdırılmamış qida məhsulları xüsusi vitrin arxasında saxlanmalıdır. Qablaşdırılmamış məhsullar yalnız xüsusi gigiyenik vasitələrlə təmin edilmiş işçi tərəfindən alıcıya təqdim olunmalıdır.

Soyuducuların temperatur rejiminə mütəmadi nəzarət edilməlidir. Dondurulmuş qida məhsulları -18° C-də buzluqda saxlanmalıdır.

Bununla yanaşı, donu açılmış qida məhsulları təkrar dondurulmamalıdır, tullantılar vaxtında kənarlaşdırılmalıdır.

Tullantı qabları mütəmadi olaraq təmizlənib, dezinfeksiya edilməli, zallar, otaqlar mütəmadi olaraq havalandırılıb, dezinfeksiya edilməlidir.

Milli.Az