Ölkə

"Sədərək"dən YENİ xəbər var - RƏSMİ AÇIQLAMA

23 May 2020 13:53
0 Şərh     Baxış: 9 159
VTB-də minimal faiz dərəcəsi ilə nağd kredit 9.9%-dən
#CƏMİYYƏT

"Sədərək" Ticarət Mərkəzində icarədarlardan pul tələb edilir.

Milli.Az bildirir ki, bu barədə qaynarinfo-ya ticarət mərkəzinin icarədarları məlumat verib. 

Onların sözlərinə görə, pandemiya dövründə ticarət mərkəzinin fəaliyyəti dayandırılıb. "Sədərək" rəhbərliyi birinci ay onlardan pul almayıb. Amma indi rəhbərlik icarədarları sıxışdırmağa başlayıb. "İkinci ayın pulunu verin" deyə icarədarları hədələyirlər.
 
Artıq iki aydır ki, ticarət mərkəzi fəaliyyət göstərmir. Nazirlər Kabineti yanında Operativ Qərargah xüsusi karantin rejimi ilə bağlı bəzi qadağaları götürsə də, ticarət mərkəzlərinin fəaliyyətinə icazə verməyib. Qadağanın nə vaxt götürüləcəyi isə bəlli deyil. Bəs hansı əsasla "Sədərək" rəhbərliyi icarədarlardan icarə haqqı tələb edir? 
 
"Sədərək" Ticarət Mərkəzinin mətbuat xidmətini rəhbəri Kəmaləddin Qədimov isə qaynarinfo-ya açıqlamasında icarədarlardan pul tələb olunmadığını bildirdi:
 
"Bazar bağlıdır. Axı bağlı olan bazardan kim yer haqqı tələb edir? Olmayan yerdən pul almaq olar? Biz özümüz işə çıxmırıq. İcarədarlara bazar bağlanmamış güzəşt olunub".   
 
Kəmaləddin Qədimov qeyd edib ki, Oreativ Qərargah nə qərar versə, ona uyğun addımlar atılacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.