Ölkə

Hansı halda pişik və itdən koronavirusa yoluxa bilərsiniz? - FOTO

10 Aprel 2020 22:52
3 Şərh     Baxış: 1 122
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ev heyvanları nadir hallarda koronavirusa yoluxa bilərlər, ancaq bu virusu bədənlərində daşımaları mümkündür.

Milli.Az oxu.az-a istinadən xəbər verir ki, bu barədə ali kateqoriyalı baytar həkimi Mixail Şelyakov RT-yə bildirib.

Onun sözlərinə görə, dünyada heyvanlara insanlardan koronavirusun ötürülməsi hallarına nadir rast gəlinir, bu səbəbdən onların virus daşıyıcısı kimi rolu çox şişirdilib. Ev heyvanlarının özünün koronavirusu var və bəzən onların həyatı üçün təhlükə yaradır. Həmin viruslar insanlar üçün təhlükəsizdir.

Bununla belə, ev heyvanları infeksiya ötürməsində xarici amil kimi rol oynaya bilər. Belə ki, koronavirus uzun müddət heyvanın tükündə qala bilir.

"Məsələn, siz itinizlə küçədə gəzməyə çıxmısınız, o isə koronavirusa yoluxmuş şəxsə yaxınlaşıb. Siz evə gəldikdən və övladınız onu sığallayandan sonra əlini üzünə toxundurduqda, yoluxma baş verə bilər", - deyə mütəxəssis bildirib.

Onun sözlərinə görə, yoluxmadan qorunmaq üçün  ev heyvanlarının gigiyenasına diqqət yetirilməli, profilaktik peyvəndlər vurdurmalıdır.

Şelyakov həmçinin ev heyvanlarını öpməməyi tövsiyə edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.