Ölkə

“İpək Yolu Sığorta” şirkəti ölkə başçısının təşəbbüsünə dəstək oldu

25 Mart 2020 18:43
Baxış: 845
VTB-də minimal faiz dərəcəsi ilə nağd kredit 10.49%-dən

Azərbaycanın tanınmış sığorta şirkətlərindən olan və əsasən aviasiya sığortasında ixtisaslaşmış "İpək Yolu Sığorta" koronavirus (COVID-19) xəstəliyinin ölkə ərazisində yayılmasının qarşısının alınması, vətəndaşların sağlamlığının qorunması məqsədilə Prezident İlham Əliyevin sosial həmrəylik nümayiş etdirilməsi barədə tövsiyələrinə uyğun olaraq irəli sürülən təşəbbüsə qoşulub.

Milli.Az Trend-ə istinadən bildirir ki, belə ki, bu məqsədlə "İpək Yolu Sığorta" şirkəti tərəfindən Ölkə Başçısı cənab İlham Əliyevin 19 mart 2020-ci il tarixli Fərmanı ilə yaradılmış Koronavirusla Mübarizəyə Dəstək Fonduna 100 000 manat məbləğində vəsait ayrılmışdır.

Qeyd edək ki, "İpək Yolu Sığorta" fəaliyyətə başladığı ilk gündən respublikanın aparıcı sığorta şirkətləri arasında özünəməxsus yer tutmuşdur. Şirkət müştərilərə 30-a yaxın sığorta növü üzrə xidmətlər, o cümlədən bütün növ aviasiya sığortası, əmlak, avtomobil, yük, məsuliyyət, tikinti, fərdi qəza, elektron cihaz, montaj və digər növlər üzrə peşəkar sığorta xidmətləri təklif edir.

"İpək Yolu Sığorta" koronavirus infeksiyası ("COVID-19") ilə mübarizədə hökumət və Azərbaycan xalqı ilə həmrəyliyini bildirir və pandemiya ilə mübarizədə birlik göstərməyə çağırır.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.