Ölkə

AZAL-ın Budapeşt-Bakı istiqaməti üzrə çarter reysi ilə 123 Azərbaycan vətəndaşı vətənə qayıtdı

19 Mart 2020 10:44

Baxış: 1 060

VTB-də minimal faiz dərəcəsi ilə nağd kredit 10.49%-dən

#CƏMİYYƏT #AZAL

Martın 19-na keçən gecə AZAL aviaşirkəti tərəfindən Budapeşt-Bakı istiqaməti üzrə yerinə yetirilmiş çarter reysi ilə 123 Azərbaycan vətəndaşı vətənə qayıtmışdır.

"Azərbaycan Hava Yolları" QSC-nin mətbuat xidmətin-dən Milli.Az-a bildirilib ki, bu, Azərbaycanın Milli aviadaşıyıcısının Avropadan artıq ikinci çarter reysidir - dünən Romadan Bakıya 161 nəfər sərnişin gətirilmişdir.

Həmçinin, martın 19-na keçən gecə İstanbul- Bakı istiqaməti üzrə 237 nəfər Azərbaycan vətəndaşının olduğu növbəti çarter reysi yerinə yetirilmişdir.

AZAL və "Aeroflot" aviaşirkətləri razılaşma əsasında Rusiyadan (Moskva və Sankt-Peterburq) çarter reyslərini həyata keçirməyə davam edirlər. Bu günə qədər həmin reyslərlə Bakıya 697 nəfər Azərbaycan vətəndaşı gətirilmişdir.

Azərbaycanın Milli aviadaşıyıcısı bu istiqamətdə işləri davam etdirəcəkdir.

Milli.Az