Ölkə

Fərhad Hacıyev: ""Yüksəliş" müsabiqəsinin imtahan suallarının kənara sızması mümkün olmayacaq"

7 Fevral 2020 12:23

1 Şərh Baxış: 1 151

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"Yüksəliş" müsabiqəsində təqdim olunacaq imtahan suallarının kənara sızması mümkün olmayacaq.

Milli.Az Trend-ə istinadən xəbər verir ki, bunu "Yüksəliş müsabiqəsi" ilə bağlı yaradılan işçi qrupunun rəhbəri, Gənclər və İdman nazirinin müavini Fərhad Hacıyev bildirib.

Onun sözlərinə görə, həmin suallar Dövlət İmtahan Mərkəzi tərəfindən hazırlanacaq və onları tərtib edən müəllimlər imtahanın ilk mərhələsi olan onlayn mərhələ başa çatana qədər bunkerdə qalacaqlar.

Dövlət İmtahan Mərkəzinin şöbə müdiri Natiq Əliyev qeyd edib ki, onlayn mərhələdə namizədin bir sualı cavablandırması üçün 30 saniyə ayrılacaq. Namizəd bu müddət ərzində sualı cavablandırmırsa, sistem növbəti suala keçəcək: "Əgər iştirakçı həmin suala cavab tapmaq üçün başqa vasitədən istifadə edərsə, bu, əyani mərhələ zamanı məlum olacaq. Çünki əyani mərhələdə həmin suala uyğun suallar veriləcək".

Milli.Az