Sağlamlıq

Budun forması sağlamlıq problemlərini göstərirmiş

27 Noyabr 2025 02:02
Baxış: 1 528
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Bud əzələsinin forması yaşlanma, fiziki passivlik, xroniki xəstəliklər və hətta ikinci tip diabet barədə məlumat verə bilər.

Milli.Az xəbər verir ki, bu qənaətə alimlər gəlib.

Budun formasının dərin metabolik dəyişiklikləri əks etdirdiyinə dair tədqiqat "Radiological Society of North America" (RSNA) tərəfindən təqdim olunub.

Tədqiqatın rəhbəri Vestminster Universitetinin metabolik vizualizasiya üzrə professoru Luiz Tomas bildirir ki, böyük bud əzələsi insan bədənində ən iri əzələlərdən biridir və metabolik sağlamlıq üçün böyük əhəmiyyət kəsb edir. Alimlər 3D-MR görüntüləmə texnologiyasından istifadə edərək əzələdəki dəqiq dəyişiklikləri müəyyən ediblər.

Analiz 61 290 MR görüntülərini, iştirakçıların fiziki vəziyyətini, həyat tərzini və tibbi məlumatlarını əhatə edib. Nəticələr göstərib ki, fiziki aktivlik və əzələ gücü əzələnin formalaşmasını qoruyur, yaşlanma, hərəkət məhdudiyyəti və uzun müddət oturma isə əzələnin nazikləşməsinə səbəb olur. Diabetli kişilərdə əzələ toxuması azalarkən, qadınlarda yağ infiltrasiyası ilə birlikdə həcmi artıb. Bu, kişilərlə qadınların eyni xəstəliklərə fərqli bioloji reaksiyalar verdiyini göstərir.

Tədqiqatçılar qeyd edirlər ki, böyük bud əzələsinin forması metabolik pozğunluqların və funksionallıq itkisinin erkən göstəricisi ola bilər, xüsusilə də ikinci tip diabetdə və insulinə həssaslığın azalması ilə bağlı vəziyyətlərdə...

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.