Sıxma zamanı çox səs çıxaran paltaryuyan praktik üsulla düzəlir

Paltaryuyan maşını­nız sıxma zamanı birdən-birə səs-küy salmağa, titrəməyə və yerindən tərpənməyə başlayıb? Mütəxəssislərə görə sıxma səsinin artmasının ən çox rast gəlinən səbəbi maşının yerə tam oturmaması və ya balansının pozulmasıdır. 

Milli.Az xəbər verir ki, paltaryuyan yüksək dövrdə işləyərkən, barabandakı yük bərabər paylanmadıqda titrəmə yaranır. Bu titrəmə aşağıdakı səbəblərlə daha da güclənə bilər:

• Ayaqların balansının pozulması
• Döşəmənin hamar olmaması
• Rezin ayaqların aşınması
• Barabanda toplanmış ağır su və ya paltarların topa halına gəlməsi

Texniki servis mütəxəssislərinin ən çox tövsiyə etdiyi üsul, maşının dörd ayağının da yerə tam oturmasını təmin etməkdir. Bunun üçün istifadə edilən praktik həll isə qalın rezin ped + sabit ayaq tənzimlənməsi metodudur.

Necə tətbiq edilir?

Maşının önünə keçib onu yüngülcə tərpədin. Sağ-sol, irəli-geri hərəkət edirsə, deməli, bir və ya bir neçə ayaq boşdadır.

Ayaq tənzimləmə vintlərini çevirərək maşını tam düz vəziyyətə gətirin. Su tərəzisi ən düzgün nəticəni verir. Tərəzi yoxdursa, maşının üstünə su dolu stəkan qoyub səviyyəni müşahidə edə bilərsiniz.

Ayaqların altına qalın rezin ped yerləşdirin. Bu pedlər titrəməni udur və yerə yapışmanı artırır. (Xüsusi olaraq paltaryuyan üçün istehsal olunan vibrasiyauducu rezinlər ən təsirlisidir.)

Maşını yenidən tərpədin, artıq tərpənmirsə, sıxma zamanı səs böyük ölçüdə azalacaq.

Bu sadə üsulla titrəməyə səbəb olan mexaniki boşluqlar aradan qalxdığı üçün maşın daha sakit işləyir.

Yorğan, dəsmal və ağır paltarlar səsi niyə artırır?

Ağır paltarlar yuyularkən su liflərin içində uzun müddət qalır. Ağırlıq barabanın bir tərəfində toplanır. Maşının balans sistemi yükü bərabərləşdirməkdə çətinlik çəkir. Bu halda maşın balansı bərpa etmək üçün daha çox güc sərf edir və səs artır.

• Maşını divara tam dayamayın.
• Altına xalça, karton və ya nazik kilim qoymayın; titrəmə artır.
• Döşəmə yaşdırsa sürüşmə və səs çoxalır - mütləq qurudun.
• Filtri həftədə bir neçə dəfə təmizləmək barabanın balansını yaxşılaşdırır.

Lalə Qüdrətova
Milli.Az