Ölkə

Evdən qaçan məktəbli: "Valideynlərimlə yaşamaq istəmirəm"

16 Yanvar 2020 16:08
12 Şərh     Baxış: 2 094

Valideynlərimlə bir evdə yaşamaq istəmirəm.

Cinayət axtarış əməliyyatçıları tərəfindən tapılan evdən qaçmış 15 yaşlı Aysel Salahova ilkin dindirmə zamanı bildirib.

Milli.Az xəbər verir ki, oxu.az-a hüquq-mühafizə orqanlarından verilən məlumata görə, Sabunçu rayonunun Bilgəh qəsəbəsində yaşayan yeniyetmə Bakının Qaradağ rayonu ərazisində tapılıb.

Xatırladaq ki, məktəbli yanvarın 13-ü, saat 00:05-də evdən çıxıb. Qız valideynlərindən gizli şəkildə taksiyə əyləşib və gedib.

Xoşbəxtlikdən Bakı Şəhər Baş Polis İdarəsi əməkdaşlarının çevikliyi yeniyetmənin xoşagəlməz sərgüzəştlərə düşməzdən əvvəl tapılmasına yardım edib. A.Salahova valideynlərə təhvil verilib.

"Problem ondadır ki, qız ailəsi ilə birlikdə yaşamaq istəmir. Yaxşı ki, başına pis heç nə gəlməyib. Qaradağ rayonunda nə axtardığı bəlli deyil. Ancaq görünür ki, qızın bütün hərəkətləri sosial şəbəkələrdə naməlum insanlarla ünsiyyətlə bağlıdır.

Buna görə də valideynlər övladlarının kimlə ünsiyyətdə olması və vaxtını necə keçirməsi məsələlərində çox diqqətli olmalıdır. Sosial şəbəkələr əhalinin, xüsusən də gənc nəslin psixi sağlamlığına ciddi təhlükə yaradır", - hüquq-mühafizə orqanlarıdan bildirilib.

Mütəxəssislərin sözlərinə görə, təcrübə onu göstərir ki, ümumiyyətlə, yeniyetmələr sosial şəbəkələrdə tanımadığı şəxslərlə tanış olurlar. Sonuncular müxtəlif vədlər vasitəsilə qızları evdən çıxarıb, sonra sadəcə istifadə edir və yeniyetmələrə qarşı müxtəlif cinayətlər törədir.

Bununla əlaqədar polis əməkdaşları narkomaniya, məişət zorakılığı və erkən nikahla mübarizə üçün profilaktik tədbirlər görürlər. Bunun üçün hüquq-mühafizə orqanlarının əməkdaşları mütəmadi olaraq məktəblərdə maarifləndirici tədbirlər keçirir, həm müəllimlər, həm də şagirdlərlə işləyirlər. Müəllimlər xüsusilə risk qrupuna daxil olan uşaqlara diqqət yetirməlidirlər.

Maarifləndirici tədbirlərin əsas məqsədi sağlam mühit və ailə dəyərlərinin qorunmasıdır.

Bu arada, məşhur psixiatr, Azərbaycan Tibb Universitetinin Psixiatriya kafedrasının professoru Fuad İsmayılov sözügedən sayta açıqlamasında sosial şəbəkələrin təhlükəli olduğunu, ancaq bunun heç də ailədəki qeyri-sağlam vəziyyətdən daha artıq təhlükə doğurmadığını bildirib.

"Sosial şəbəkələr təhlükəlidir? Bu sualı XX əsrin əvvəlində avtomobillərlə bağlı da vermək olardı. Bəli, təbii ki, təhlükəlidir. Ancaq bu gün maşınlarsız kim keçinə bilər? Eyni şeyi sosial şəbəkələr barəsində də demək olar - bu, dördüncü elmi-texniki inqilabın bir hissəsidir. Dünya kompüterləşir, sözügedən prosesi qəbul etməmək mümkündür, amma çətin ki, belə bir münasibət nəyisə dəyişdirsin.

Əgər belədirsə, onda niyə bütün uşaqlar valideynlərindən qaçmırlar? Evdən qaçmaqla bağlı istənilən halda yeniyetmələrin hərəkətlərinə təsir göstərən amillərin kombinasiyası mövcuddur", - psixiatr bildirib.

Onun sözlərinə görə, çox vaxt uşaqların qaçdığı ailələrdə qarşılıqlı anlaşma olmur, bura əlverişsiz vəziyyət və valideynlər arasında gərgin münasibətlər aiddir. Uşaqlara qarşı fiziki zorakılıq tətbiq olunur. Uşaqların evdən qaçmasına sosial şəbəkələr deyil, məhz bu amil təsir göstərir.

"Uşağın bircə münaqişədən sonra evdən getməsi nadir hallarda olur. Bu qərar uzun müddət yeniyetmələr tərəfindən dərk olunur. Bir tərəfdən getməyə qorxurlar, digər tərəfdən isə şərait bu cür hərəkətlərə vadar edir. Lakin bu qərar boş yerə meydana gəlmir. Əgər qardaşlar, bacılar və valideynlərlə münasibətlər yaxşıdırsa heç kim uşağı öz toruna sala bilməz", - F.İsmayılov bildirib.

Eyni zamanda, psixiatr Azərbaycanda son illərdə müşahidə olunan narahatlıq doğuran tendensiyaya - məhz ailələrdə qızlara ciddi qadağaların tətbiq olunmasına diqqət çəkib.

"Mən tez-tez bu ifadəni eşidirəm: "Biz qızımızı məktəbdən çıxardıq, daha oxumayacaq, çünki məktəb onu pozur". Bu cəhalət haradandır, anlaya bilmirəm. Böyüklər anlamırlar ki, onların uşaqlarının da planları, həyat qaydaları var.

O, həkim, jurnalist olmaq istəyir, lakin onu zorla ərə verirlər. Mən vəziyyətin bütün ailələrdə bu cür olduğunu iddia etmirəm. Lakin bir çox zəif təhsilli ailələrdə bu cür xoşagəlməz hallar baş verir. Lakin zənginlərdə də uşaqlarla böyüklər arasında anlaşmazlıq var.

Onları düşünülməmiş addımlardan qorumağın yeganə yolu var - onlar üçün məsuliyyət hiss etmək, uşağın hüquqları olduğunu, özünüdərkin formalaşdığını, həyat qaydalarının olduğunu anlamaq. Sadəcə uşaqlara qarşı diqqətli olmalı, bir-birimizi sevməli və etibar etməliyik", - psixiatr fikrini tamamlayıb.

Milli.Az

loading...

Şərh yaz:

12 Şərh:

  • Anonim
    Əsranur · 16 Yanvar 16:5971

    Razıyam.Çoxu valideyn körpə vaxtı boş buraxır,uşaq boş formalaşır.Yetkinlik yaşında artıq valideynlə sözü düz gəlmir.Ona görə də ev dar gəlir.Qanunlarınızı uşaqikən qoyun.Nəyi sevib,nəyi qəbul etmədiyinizi körpə ikən başa salın ona.Yaxşı işlərində mükafatlandırın.Mütləq deyil nəsə alın.Sadəcə qucaqlayın.Tərifləyin.Uşağa özünüzü tanıdın.Qoyun sizin qucağınızın ən təhlükəsiz yer olduğunu bilsin.Onda,heç vaxt qaçmayacaq.Çünki,qaçmaq üçün yer axtarmayacaq da.Nənəm olsaydı,deyərdi ki belə qızı verin ərə getsin day.Beləsi ərdə də oturmaz,kiminsə oğlunu bədbəxt etməyin.

    Cavab yaz
    • Anonim
      Zuni · 16 Yanvar 18:0210

      Salam Esranur. Düz deyirsiz. Ama bezi ailelerde uşaga körpe iken qanunla yaşamağa valideyni eşitmeye qarşi cixan insanlarda olur. Meselen evde qalmiş baldiz ve ya qaynana. Eger ana agzini acib uşaga söz deye bilmirsə uşaqla valideynin arasina giren 3cu şexs varsa orda mesele çetindi o uşaq ne körpe iken nede yetkinlik ya genc yaşinda anani eşitmeyecek. Adam taniyiramki ana uşaga icaze vermediyi halda onuncun ziyanli ya tehlukeli oldugu duşunub yox dediyi her hansi eşyani qaynana ananin sözunun ustunde he deyib anadan alib uşaga verib. Bu halda 1 ve ya 2defeden sonra uşaqda anaya qarşi aqressiya yaranır onun gözündə pis adam olur oda nenenin eqoistliyinnen yaranır. Sözumun cani odurki sizle çox raziyam ama cox hallarda aile daxilinde laxlamaya sebebkar olanlar 3cu şexs olurki buda valideynlə uşaq arasinda ucurum yaradır.

      Cavab yaz
      • Anonim
        Əsranur · 16 Yanvar 18:5220

        Salam,Zuni.Yazdıqların düppədüzdür.Uşağın tərbiyəsində hamı ədalətlə səy göstərməlidir.

        Cavab yaz
  • Anonim
    Alsu. · 16 Yanvar 17:4082

    14 yaşlı bir qız deyir valideynlərimlə yaşamaq istəmirəm ? Afərin sənə qız ! Yaşama ! Get kucə , bar qızı ol ! Əldən ələ kecəndən sonra bilərsən ailə , valideyn kimdir ?

    Cavab yaz
  • Anonim
    Zuni · 16 Yanvar 18:0551

    İndiden bu düşüncedesense geleceyin parlaqdi. Ne olacaq axrin? Bele yeniyetmeler yəqinki kenarda kimese arxayinlaşib qacirlarki özge ona qucaq acib gözel heyat bexş edecek. Hec bir şey havayi hediyye edilmir. Evezinde heyati mehv olacaq qalacaqsan tek... Oda hele sag qala bilsen...

    Cavab yaz
  • Anonim
    Esra Ibrahimli(Samaxi) · 16 Yanvar 18:4860

    Bezi valideynler doqrudanda qeddar gestapodular . Usaqa doymekle terbiyye etmezler eee şirin dille qizim, menim balam deyerek refiqe olmaq lazimdi.ki ,usaq valideyne nifretle boyumesin ..

    Cavab yaz
    • Anonim
      Mən · 16 Yanvar 19:2620

      Axsamunuz xeyr necesiz ne var ne yox

      Cavab yaz
      • Anonim
        Esra Ibrahimli(Samaxi) · 16 Yanvar 20:2950

        Aqibetiniz xeyir olsun. Saqliq salamatliqdir Sukur Allaha ..Siz necesiniz kefiniz ehvaliniz necedi ?

        Cavab yaz
        • Anonim
          Mən · 16 Yanvar 20:5530

          Sükür bizde yaxsiyiq cox saq olun

          Cavab yaz
  • Anonim
    Предсмертное желание · 16 Yanvar 19:1130

    Burda o taksi surucusune qulaq burmasi dushur,chunki balaca ushaqi gece hara aparir?Niye goturur?Bashina nese gelseydi o taksi surucusu elli-ayaqli gedeceydi!!!Ushaq valideynlerinile yashamaq istemir?Yeni trend )))15 yashimdada 25 yashimdada ele isteyirem valideynlerimde olum!!!Anadan,atadan qacmaq olar?Valideynsiz yashamaq olar?

    Cavab yaz
  • Anonim
    Papatya · 16 Yanvar 19:3320

    Çox təəssüf. Nə qeder əvvəllə, özümüzlə müqayisə etsək de, uşaqlar başqa abu havada böyüyür. Mən öz evimizdə gecə saatlarında həyətə düşməyə qorxardim o yaşda. İndi de evimde tek olanda, aile başçısı biraz gecikirse, qapının arxadan kilidi olmasını yoxlayıram. O saatda necə cəsarətlə gedə bilir. Şükür başına birşey gelmeyib. Bəli, sosial şəbəkələr də səbəbdir. Belke de elə birinci səbəbdir. Biraz zəif xaraktere kifayətdir. Çünki məhz media, o ellerindeki tablet, o mavi ekran, siz psixoloqlar öyrədirsiz uşaqlara. Sizin hüququnuz var, valideynin mülki deyilsiz, əl qaldırmaq nedi, onlar sizə sesini belə qaldıra bilmezler, xoşlamırsınızsa ana ata da olsa onlara qatlanmali deyilsiz deyə lap körpəlikdən şüuraltına yeridirsiz. Eveller evdə sıxıntı yaşasaq da, yenə də evin daha təhlükəsiz olduğunu düşünürdük. Çöldən qorxardiq.

    Cavab yaz
  • Anonim
    UZAQ DIYAR · 16 Yanvar 21:5940

    Elbette,burda sosial shebekelerden yalnish istifadenin rolu olduqca böyükdür.!.Bir neçe ay önce Amerikada, balaca görünümlü bir qadini, 10 yashli ushaq görkemine salib,internetde sheklin qoyublar.!. Serbest fikirler yazilib,10 yashli ushagin derrakesine göre..Polislerle birlikde aparilan tecrübenin neticesinde ,bir neçe saatin içinde 10 yashli ushaq bildikleri,qadina minlerle exlaqsiz teklifler,görüshler gelmeye bashlayib...Isti izlerle bu shexsler axtarisha bashlanilib...Bu hadise normal heyatda,bütün ushaqlarin bashina gele biler..O qeder pusquda durmush,her cür tehlükeli,insanlar mövcuddur ki ...Bununçün de güclü nezaret düshür,valideynlerin üzerine...Esasende derse meyli olmayan ushaqlara...Çünki bosh qalan,ushaqlar meshguliyyeti sosial shebekelerde axtarir ki,orada tehlüke qaynagidir.!.Bu qiz da görünür,bele tehlükelerin qurbanina çevrilmek isteyir..ALLAH agil-fikir versin.!.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.