Ölkə

Bakıda azyaşlı övladlarına işgəncə verən ata həbs edildi

11 Dekabr 2019 16:51
13 Şərh     Baxış: 4 309

Paytaxtın Sabunçu rayonu ərazisində azyaşlılar - Qulu və Hüseyn adlı qardaşların ata və ögey anaları tərəfindən işgəncələrə məruz qalmaları faktı ilə bağlı Bakı şəhər prokurorluğunda başlanmış cinayət işi üzrə zəruri istintaq tədbirləri davam etdirilir.

Milli.Az Trend-ə istinadən xəbər verir ki, bu barədə Baş Prokurorluğun Mətbuat xidmətinin rəhbəri Eldar Sultanov öz facebook səhifəsində məlumat yayıb.

Məlumatda bildirilir ki, aparılmış istintaqla Ağcabədi rayon sakini Xəqani Əkbərovun Nüranə Əkbərova ilə köməksiz vəziyyətdə olan övladları Qulu Əkbərov və Hüseyn Əkbərzadəni Zabrat qəsəbəsində yaşadıqları evdə mütəmadi olaraq döyməklə və sair zorakı hərəkətlərlə fiziki ağrılar yetirərək 2019-cu ilin oktyabr ayında Q.Əkbərova alın və burun nahiyələrinin ikinci dərəcəli termiki yanıqları, mexaniki asfiksiyaya səbəb olmayan boyun nahiyyəsinin stranqulyasiya şırımı, sol said nahiyəsinin sıyrığı, sol bazu sol dirsək oynağı və sol baldır nahiyyələrinin qançırları kimi ümumilikdə sağlamlığın qısa müddətə pozulmasına səbəb olan, sağlamlığa yüngül zərərvurmaya aid, H.Əkbərzadəyə isə sağ ayağın dərialtı hematoması ilə müşayiət olunan sağ ayaqda V ayaq-daraq sümüyünün yerini dəyişən qapalı sınığı, sol budun, sol baldırın və sol ayağın dərialtı hematomaları, sağ yanaq-çənə nahiyəsinin, hər iki bazunun, sol dirsək oynağı nahiyəsinin sağ saidin, döş qəfəsinin, sağ budun, sağ diz və sağ aşıq-baldır oynağı nahiyələrinin qançırları, sol əlin III barmağının, sağ budun və sağ baldırın II dərəcəli termiki yanıq yaraları kimi, ümumilikdə sağlamlığın uzun müddətə pozulmasına səbəb olan sağlamlığa az ağır zərərvurmaya aid xəsarətlər yetirmələrinə əsaslı şübhələr müəyyən edilib.

Azyaşlıların aldıqları bədən xəsarətlərinin əmələ gəlmə müddətlərinin ataları və analıqları ilə birlikdə yaşadıqları vaxta uyğun gəlməsi məhkəmə-tibbi ekspertizasının rəyləri ilə bir daha təsdiq olunub.

İstintaq zamanı azyaşlılar Ailə, Qadın və Uşaq Problemləri üzrə Dövlət Komitəsinin, Sabunçu rayon İcra Hakimiyyəti başçısının yanında qəyyumluq və himayəçilik komissiyasının nümayəndələrinin, 371 saylı orta məktəbin ixtisaslaşmış müəllim-psixoloqu və xalasının iştirakı ilə ataları və analıqları tərəfindən işgəncələrə məruz qalmaqla çoxsaylı bədən xəsarətləri yetirilməsi barədə ifadə veriblər.

X.Əkbərov və N.Əkbərova iş üzrə təqsirləndirilən şəxs qismində cəlb edilməklə, onlara Cinayət Məcəlləsinin 127.2.2, 133.2.3 və 133.2.4-cü maddələri ilə ittiham elan olunub, X.Əkbərov barəsində məhkəmənin qərarı ilə həbs, N.Əkbərovanın 6 aylıq hamilə olması nəzərə alınmaqla barəsində polisin nəzarəti altına vermə qətimkan tədbiri seçilib.

Cinayət işi üzrə azyaşlılar barəsində əlavə komissiyon məhkəmə-tibbi və kompleks məhkəmə psixatrik və psixoloji ekspertizaları təyin edilib, bundan başqa onların "Uşaq hüquqları haqqında" Azərbaycan Respublikasının Qanununa əsasən azadlıq və şəxsi toxunulmazlıq hüquqlarının təmin edilməsi məqsədi ilə atası X.Əkbərovun valideyn hüququndan məhrum edilməsi üçün əsaslar olduğu halda müvafiq tədbir görülməsini təmin edilməsi məqsədilə Ailə, Qadın və Uşaq Problemləri üzrə Dövlət Komitəsinə, Sabunçu və Ağcabədi rayon İcra Hakimiyyətlərinə müraciət olunub. Eyni zamanda azyaşlıların müalicə və sosial reabilitasiyasının həyata keçirilməsi, onların mövcud vəziyyətə adaptasiyasının təmin edilməsi və psixoloji durumlarının korreksiya olunması məqsədilə peşəkar mütəxəssislər cəlb olunub.

Hazırda iş üzrə zəruri istintaq tədbirləri davam etdirilir.

Milli.Az

loading...

Şərh yaz:

13 Şərh:

  • Anonim
    F044 · 11 Dekabr 2019 16:55160

    Belə valideyn olar ? Uşağa qarşı bu nə düşmənçilikdir anlamadım Vallah Həbs olsun 10 il yatsın qoy uşaqlar rahat böyüsün

    Cavab yaz
  • Anonim
    Adil · 11 Dekabr 2019 18:0590

    Elə qadında tutmaq lazım idi,onun analiqda haqqı yoxdur,vəhşidir o ,o uşağın nə günahı var.

    Cavab yaz
  • Anonim
    ly · 11 Dekabr 2019 18:5280

    körpeye nece qiymaq olar axi..ne desemki urey sakit ola dusundukce ezab cekir ureyim,uşaqlarin mesum baxislarin unuda bilmirem.

    Cavab yaz
  • Anonim
    F.S.D. · 11 Dekabr 2019 19:4680

    İlahi ürəyim dözmədi axıra qədər oxumağa(((( bu Canı ilə birlikdə başıbatmış ana adına ləkə olan üzündən qorxulu cunayətkara oxşayan arvadıda tutulmalıdır. Ananın ögeyi olmaz əslində analıq hissi ana bətnində yaranır. Atanı qızışdıran bu qadın olub alçaqlar. Cəkin cəzanızı. Səbəb nə olur olsun əgər ya ata ya ana təkrar ailə qurarsa o ailədə uşaq varsa onda yaxın qohumlar nənə baba bibi xala dayı əmi hamısı bu ailəyə nəzarət etməlidir, gizlin gizlin. Uşaqları birdən birə yad adamlara etibar etmək olmaz. Ay alçaq qadın uşaq istəyirsən yanındakılar uşaq deyil??(((

    Cavab yaz
  • Anonim
    Uzaq · 11 Dekabr 2019 20:26110

    Neçə gündü unutmağa çalışsam da alınmır (O vəhşi qadını da həbs etməliydilər (Çox da ki hamilədir. Onda analıq bir yana,zərif dediyimiz qadınlıq hissləri də yoxdur,öz doğma ovladına da eyni işgəncələri verəcək (uşağı yandırmaq, asmaq nə deməkdi? Dərk etməyə çalışıram ağlım almır (bu nəyin qəzəbi,hikkəsi (ermənidir,düşməndir sanki.Can balalar. Kaş onlara çoxlu qayğı,nəvaziş göstərə bilsəydim(

    Cavab yaz
  • Anonim
    ... · 11 Dekabr 2019 20:3890

    Xeberi goz yaslari icinde oxudum. Hec ne yox gorum o qadinda kisi de bu usaqlara yasatdiqlarinin qatbeqatini yasamadan bu dunyadan kocmesinler InseAllah. Ele o qadinin oz qarnindaki boyuyub onlarin basina ele hemin oyunlari acsin. Eclaflar.

    Cavab yaz
  • Anonim
    Seva... · 11 Dekabr 2019 21:3370

    Qadinin uzunden heyasizliq yagir. O uwaqlara etdiyi zulumun ezabini onun dogulacaq korpesi cekecek. Haqq Allah kim ne ekse onu bicdirir.

    Cavab yaz
  • Anonim
    Esra Ibrahimli(Samaxi) · 11 Dekabr 2019 23:1050

    Bu qadinin usaqi dunyaya getirede ölecek İnsallah baxarsiniz Xeberide burdan oxuyariq 3 aydan sonra.Qoy qarnindakida dunyaya gelenden yetim qalsin.Ən gözelll mukafat bunlara ölüm olsun AMİN !

    Cavab yaz
  • Anonim
    Yağmur · 12 Dekabr 2019 01:0910

    Oxuduqca qanım dondu,bu ne vehşilikdi ilahi! Sanki insan deyil quduzuşlaşmış vehşiheyvandılar.Allah her ikisinede bu dünyada gün işığı görmek nesib etmesin ,gerek ana adına leke getiren o qansızada ceza verileydi,inşallah analıq duyğusunu yaşamaq qismeti olmaz.

    Cavab yaz
  • Anonim
    z · 12 Dekabr 2019 05:4420

    o er arvada nie emmeli jeza vermirler ki bashgalari bele gelet etmeye gorxsunlar 6 ay nedi?!???!!! o ushaglari bogazindan asib aj saxlayib gaynayan suya salib gestapoda verilen ishkenjeleri verib balaja ushaglara barmaglarini sindirib diri diri ele shey olar 6 ay o arvad jivoderdu manyakdi onu jemiyyet arasina buraxmag gorxuludu salin onu turmeye 10il belke duzeler hamiledi turmede dogar dogulan ushagda internatda boyuyer boyuyene geder arvad cixar turmeden ushag da biler ki anasina neye gore o geder ish kesilib o axmag arvad belke onda peshman olar ALLAH versin ikisinin de belasini

    Cavab yaz
  • Anonim
    dagli qizi · 12 Dekabr 2019 07:2430

    Turme bu "ata"ya en yungul cezadir, onu milletin qabaginda etdikleri emellere meruz qoymaq lazimdir- korpelein cekdiyini hiss etsin!!!! Qaldi ki. o qadin cildine girmiw mexluqa, onu da en azi tutmali idiler- dogacagi uwagi elinden alinib uwaq evine verilmelidir...Mence, hansi ceza verilse de, bunlara azdir...Cunki, hadiseden xeberdar olan her kes sakitlewe bilmir, esebler ele tarima cekilib ki, onlara verilecek hec bir ceza bizleri sakitlewdire bilmir...Allah ozu onlarin cezalarini versin, tezlikle!!! AMIN!!!

    Cavab yaz
  • Anonim
    se · 12 Dekabr 2019 10:5910

    bunlari oldurmek lazimdir, psixler...

    Cavab yaz
  • Anonim
    YK · 12 Dekabr 2019 14:4510

    Bunun hər ikisinə cəza verilməlidi ki,uşaq döyən valideyinlərə dərs olsun.Qadını başa düşdük yaddı şərəfsiz atanı necə başa düşək.Bunlar layiqli cəzalarını mütləq almalıdı.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.