Ölkə

Bakıdakı bayram yarmarkalarında QİYMƏTLƏR - FOTO

11 Dekabr 2019 10:07
5 Şərh     Baxış: 2 901

Yeni ilin yaxınlaşması ilə bağlı artıq paytaxt Bakıda bayram ab-havası hiss olunur. Mərkəzdə ağaclar bəzədilir, mağazalarda oyuncaqlar satılır və ən əsası da metro çıxışlarında Yeni il yarmarkaları fəaliyyətə başlayıb.

Milli.Az xəbər verir ki, Trend-in əməkdaşı həmin yarmarkalarda satılan yeni il atributlarının qiymətləri və alıcı qüvvəsi ilə maraqlanıb. Əksər malların Çindən gəldiyini söyləyən sahibkar bildirib ki, yarmarka bir həftəyə yaxındır fəaliyyətə başlayıb, alıcıların sayı çoxalıb.

Satıcının sözlərinə görə, Yeni il atributlarından olan yolkanın qiyməti hündürlüyünə görə dəyişir. Normalda ən qısası (60 sm) 6 manat, ən hündürü isə (2.40 sm) 100 manatdır.

Sahibkar qeyd edib ki, gələn il siçan ili olduğuna görə yumşaq oyuncaqlar arasında daha çox bu heyvanı almağa üstünlük verilir. Qiymətlər isə 3-25 manat arası dəyişir. Ən bahalı hədiyyələr isə Yeni il suvenirləridir. Onların da qiyməti müxtəlifdir, ən ucuzu 30 manatdan başlayır. Bundan başqa, bayram yolkalarının bəzədilməsində istifadə edilən aksessuarların qiymətləri görünüşündən, ölçüsündən və keyfiyyətindən asılı olaraq dəyişir. Nisbətən sadə görünüşlü, kiçik bir bəzək əşyasını 1-1.50 manata almaq mümkündür.

Hədiyyələr arasında Qar qızı və Santa Klaus geyimləri də var. Böyüklər üçün olan geyimlərin qiyməti 8-15, uşaqlar üçün isə 3-10 manatdır.

Satıcı qeyd edib ki, ötən illə müqayisədə demək olar ki, heç bir dəyişiklik baş verməyib. Satılan mallar da, onların qiyməti də eyinidir.

Yarmarka dekabr ayının 31-nə kimi davam edəcək.

Xatırladaq ki, Bakıda 31 dekabr - Dünya Azərbaycanlılarının Həmrəyliyi Günü və 1 yanvar - Yeni il bayramı münasibətilə bayram yarmarkalarına start verilib.

Bakı Şəhər İcra Hakimiyyətinin (BŞİH) Ticarət və Xidmət Departamentindən Trend-ə verilən məlumata görə, hər il olduğu kimi, bu il də bayram yarmarkaları ilə bağlı BŞİH və Bakı Şəhər Baş Polis İdarəsi tərəfindən dislokasiya təsdiq olunub. Dislokasiyaya görə, bayram yarmarkaları əsasən şəhərdə, metrostansiyaların qarşısında quraşdırılıb. Hazırda Nəsimi, Nərimanov, Yasamal, Binəqədi, Nizami, Xətai rayonlarında 12 ərazidə 23 bayram yarmarkası üçün çadırlar quraşdırılıb.

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    b · 11 Dekabr 2019 10:2983

    yeni ili sevirem

    Cavab yaz
  • Anonim
    Afa · 11 Dekabr 2019 10:3272

    Bizim marketdə 3,50 m verilən hədiyyə corabını dünən 28 may yarmarkasında 8 manata dedılər.

    Cavab yaz
  • Anonim
    f · 11 Dekabr 2019 10:5132

    sederekde 89 manata la yolka burda 65 manat idi

    Cavab yaz
  • Anonim
    Mahir · 11 Dekabr 2019 18:4025

    Indi pulumuz yoxdur deyib baslayacaqlar aglamaga. Neter olurki sizin ev almaga, masin almaga pulunuz olur, amma yeni il kecirtmeye pulunuz olmur? Menim sozum burda serh yazan serhcilere aid deyil. Bezi agzigoycek serhcilere aiddir.

    Cavab yaz
  • Anonim
    Qonaq · 12 Dekabr 2019 20:2231

    Bahadi. Adı yalandan yarmarkadi

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.